ملتان دی لوک تہذیب

ملتان ٻہوں وݙّا لوک تہذیب، لوک ادب، لوک رِیت اَتے لوک مذہب دا مرکز ہِے۔ اِتّھاں سین٘کڑاں جہیں ایجھیاں ہِن جِتّھاں کم کرݨ دی ضرورت ہِے مگر کم کِیتے ایں جذبے تے سرمائے دی ضرورت ہِے جو جیڑھا سابق حکمراناں دے دِل اِچ لاہور کِیتے موجود ہا۔ ملتان دا تاریخی قلعہ تہذیبی تے ثقافتی اثاچہ ہووݨ دے نال نال بر صغیر جنوبی ایشیاء دا ٻہوں وݙّا روحانی مرکز وی ہِے، اِتّھاں غوث العالمین حضرت بہاء الدین زکریا ملتانی، شاہ رُکنِ عالم، شاہ صدر الدین، والیٔ ملتان نواب مظفر خان شہید دے مزارات ہِن پر زائرین کُوں کہِیں طرح دی کوئی سہولت میّسر کائے نِیں۔ اِتّھاں داتا دربار لاہور دے بر عکس کوئی میوزیم، کانفرنس ہال، مدرسہ، لائبریری تے مسافر خانہ کائنی، ٻیا تاں ٻیا زائرین کِیتے اِتّھاں پِیوݨ دا پاݨی وی میّسر کائنی اِیں پاسے توجّہ ݙیوݨ دی خاص ضرورت ہِے۔

قلعے تے موجود ہزاراں سال پُرانی ہندوؤاں دی عبادت گاہ تے پرہلاد مندر کُوں ݙَہا تے اِتّھاں دی تریخ کُوں مسمار کرݨ دی کوشش کِیتی ڳئی اے اِین٘کُوں اِیں جذبے نال بحال کرݨ دی لوڑھ ہِے جیویں جو نواز شریف دورِ حکومت اِچ سکّھاں دے گردواراں دی بحالی کِیتے چار کروڑ روپے دی گرانٹ مہیّا کِیتی ڳئی اِین٘دے نال قلعے تے نا جائز تجاوزات ایس ٹی این، پولیس کاؤنٹر تے فون ٹاور وغیرہ کُوں مسمار کر تے اِین٘دی اصل حیثیّت کُوں بحال کرݨ دی لوڑ ہِے، تاں جو حضرت زکریا سئیں دی روح قبر تُوں خوش تِھی تے اے آکھ سڳے:

ملتانِ ماء بجنتِ اعلیٰ برابر است

آہستہ پابنہ کہ مَلک سجدہ می کنند [١] [٢]

ٻیا ݙیکھو لکھو

حوالہ جات لکھو

  1. از: ظہور دھریجہ، ناں کتاب: سرائیکی وسیب، چھپَّݨ دا ویلا: نومبر 2003ء اتے 2013ء، چھاپہ خانہ: جھوک پرنٹرز ملتان۔
  2. از: لائبریری سئیں ڈاکٹر خالد اقبال۔

ٻاہرے رابطے لکھو