سرائیکی لوک ادب وِچ نور نامہ دی اہمیّت

نور نامہ سرائیکی زبان دی ہِک لوک نظم اے، جین٘کُوں اساں قدیم ترین نی بلکہ قدیم سرائیکی لٹریچر دا نمنونہ آکھ سڳدوں، نور نامے تے معروف ماہرِ لسانیات "پروفیسر شوکت مغل" جدید انداز نال تحقیق کِیتی اے۔

نور نامہ ہِک لوک نظم ہِے جیڑھی اِیں وقت ہر گھر وِچ پڑھی وین٘دی اے۔ حافظ خالد محمود شیرانی مرحوم اینکُوں ١٠٥٤ء دی تصنیف تسلیم کرین٘دِن۔ پر اے نظم اپنے متّن تُوں ظاہر کرین٘دی ہِے جو اے ٻہوں پہلے دی تصنیف اے۔ ہِک جاہ تے اشارہ ملدے جو:

پنج سو سال جو گزرے آہے ہجرت بعد رسولوں

ملاں کہے غریب وچارا کم علماواں کولوں

نیکی عمل نہ کیتم کوئی شامت نفس جہولوں

عمر گزری توں پچھوں تاواں بھرلہاں قبولوں

جو کُجھ روئے زمین تے پیدا سب کُجھ ہوسی فانی

نام نشان نہ رہسی کائی جز ایمان نشانی

اگر شاعر دا اے بیان تسلیم کِیتا ون٘ڄّے تاں نور نامے دا سنِ تصنیف ٦٠٠ ہجری دے بعد دے زمانے دا ثابت تِھین٘دے تے ہِک لحاظ نال اے قابلِ تسلیم وی ہِے۔ کیوں جو ٧٠٠ ہجری دے لگ بھگ اساکوں ٻئے نمونے وی مل وین٘دِن۔ پر نور نامے دی زبان اَڄ کل دی زبان کنُوں مختلف اے۔ ول وی اُوں وقت یعنی ٦٠٠ ہجری دی زبان نی، بعد دے زمانیں دے لوکاں نے خصوصاً چھاپے والیاں زبان کوں اپݨے رنگ وِچ رنگ گِھدّے۔ بہر حال ایں ڳالھ دا شُبّہ ضرور ہِے جو اے ٦٠٠ ہجری دی یادگار لوک نظم اے۔

لہور تے دلّی دے چھاپے خانیں والئیں صرف نور نامے نی بلکہ سرائیکی زبان دے ٻئے کتابیں نال وی ایویں حشر کِیتے، اتے انّھاں دی زبان وڳاڑ ݙِتّی اے، اَڄ ضرورت ہِے جو پچھلے تمام چھپئے ہوئے کتابیں دا جائزہ گِھن تے اُنّھاں دی زبان درست کِیتی ون٘ڄے۔

ٻیا ݙیکھو

• شمالی سندھ دی زبان وی سرائیکی اے۔

• سرائیکی قدیم زبان اتے تہذیب۔

• اُردو دی ماء۔

• سرائیکی زبان دا قدیم ادب۔

• سرائیکی دا معنیٰ۔

ٻاہرے رابطے 

• جھوک پبلشرز دے کتاباں۔

• سئیں ظہور دھریجہ دا تعارف اُردو زبان وِچ۔  ۔ ۔ ۔ ۔ ۔ ۔ ۔ ۔ ۔