شمالی سندھ دی زبان وی سرائیکی اے

سرائیکی خطّہ دریاویں دی سرزمین اے تے لَوظ سندھ دا لغوی معنی وی دریا تھیندے۔ ایندا مطلب اے سرائیکی خطّہ جینکوں سَت دریاویں دی دھرتی آکھیا وین٘دے اون٘دا ہِک حِصّہ سندھ وِی ہِے۔ اِیں حساب نال سرائیکستان ست سندھ ز دا مالک اے تے سندھ سرائیکستان ہِک اِن۔ سئیں ڈاکٹر مہر عبدالحق اِیں بارے لکھدِن:

"سندھ جِین٘دا ہِک اہم حِصّہ سرائیکی زبان دا علاقہ ہِے اِین قدر پُر آشوب ہِے جو کہیں لٹریچر دا صحیح سالم بچ ون٘ڄݨ کہیں معجزے تُوں گھٹ کینھی۔ اِیں علاقے کُوں امن نصیب تھیا تاں کُجھ حد توڑِیں مغلیہ عہد حکومت وِچ تھیا یا وَل انگریزاں دے زمانے وِچ تھیا۔ اتے اِیں وقت دی کہیں لکّھت دے نمونے ملّݨ دی اُمین٘د رکّھݨ خام خیالی اے۔ البتہ کُجھ چیزاں حافظے دی مدد نال سینہ بہ سینہ چلیاں آن٘دیاں ہِن پر اُنّھاں تے اعتماد نی کِیتا ون٘ڄ سڳدا۔ کیوں جو اے زبان دا اصلی رنگ پیش نی کر سڳیاں۔ مختلف ادوار دے لوکاں نے اپݨے دور دی زبان دا رنگ چڑھا ݙِتّا ہِے تے اِیں طرحاں تے زبان دی شکل تے اُوندے اصلی خدّو خال لُک ڳئے ہِن۔ اِیں ویلے اساں کول تدریجی ترقی ݙیکھݨ کِیتے سرمایہ کینھی، اے ڳالھ یقینی ہے جو محمود غزنوی دی یورش کنوں پہلے دے سوا ترائے سال وِچ عربی، فارسی تے مقامی بولی دی آمیزش تُوں ہِک پچ میل قسم دی زبان ضرور وجود وِچ آ چُکّی ہئی تے ١١١ ہجری دے بعد ݙُو حِصّیاں وِچ تقسیم تھی ڳئی، ہِک شمالی سندھ وِچ تے ݙُوجھی جنوبی سندھ وِچ۔ شمالی سندھ والی زبان کُوں اساں سرائیکی آکھدوں تے جنوبی سندھ والی زبان کُوں سندھی۔            

ٻیا ݙیکھو

• سرائیکی وسیب اَڄ وی عظیم اے۔

• سرائیکی قدیم زبان اتے تہذیب۔

• اُردو دی ماء۔

• سرائیکی زبان دا قدیم ادب۔

• سرائیکی دا معنیٰ۔

ٻاہرے رابطے

• جھوک پبلشرز دے کتاباں۔

• سئیں ظہور دھریجہ دا تعارف اُردو زبان وِچ۔  ۔ ۔ ۔ ۔ ۔ ۔ ۔ ۔ ۔۔ ۔ ۔۔ ۔ ۔ ۔ ۔ ۔