اُردو دی ماء

اردو زبان دا خطّۂ زمین پاکستان وِچ کینھی، ایں واسطے ہزار کوشش دے باوجود اُردو اجاں تک نہ رابطے، نہ نصاب اتے نہ وت دفتری زبان دا درجہ حاصل کر سڳی اے اگر سرائیکی کوں اے مقام ڈتّا وین٘دا تاں اڄ نتیجے مختلف ہوون ہا اَتے قومی دھارے تے این٘دے مثبت اثرات مرتّب تِھیون ہا۔

سرائیکی زبان کُوں نام نہاد محققین وِچُوں کہیں سنسکرت دی دھی اتے کہیں سندھی دی بھیݨ آکھے جڈاں جو اصل حقیقت ایویں نی سرائیکی زبان "مادر لنگویج" اے۔ "پنجاب وِچ اردو" وِچ حافظ محمود شیرانی نے ملتانی تاجراں دے دِلّی وِچ راہون نال اے نتیجہ اخذ کِیتے جو اِنّھاں مقامی تاجراں دے میل ملاپ نال ہریانی زبان تے ملتانی زبان دا اثر پئے تے اے زبان اردو دا پیش خیمہ بݨی۔

درحقیقت شیرانی صیب دی اے تحقیق ہر طرح نال تحقیق طلب ہِے تے اساکوں افسوس ہے جو شیرانی صیب اِیں زبان کُوں پنجاب وِچ اُردو دے پاسے کیوں گھیل ڳِن۔ جݙݨ جو خود شیرانی صیب دی تحقیق دے مطابق قدیم مؤرخین جتّھاں ملتانی دا لفظ استعمال کرین٘دِن، اتّھاں انّھاں دی مراد صرف موجودہ ملتانی دی حداں نی تاریخ دے ورقے پھرولّیے ون٘ڄن تاں ملتان دیاں حداں الخیں ملخیں تے کھنڈیاں ہویاں نظر آؤسن، حافظ محمود شیرانی کوں اڄ دے قبضے کِیتے ڳئے پنجاب کوں ݙیکھݨ دی بجائے قدیم سرائیکی وسیب کُوں ݙیکھݨاں چاہِیدا ہا جین٘دیاں حداں اڄ دے اَپّر پنجاب تُوں وی اڳّوں نکل وین٘دیاں ہِن البتہ حافظ محمود شیرانی دی اے ڳالھ ٹھیک اے جو ملتانی یعنی سرائیکی زبان دے لوظاں نال اردو زبان دا تانا وانا وُݨیاں ڳے، اِیں طرح سرائیکی ای اردو دی بنیاد بݨی اے، اساں آکھ سڳدوں جو سرائیکی اردو دی ماء اے۔

ٻیا ݙیکھو

• سرائیکی وسیب اَڄ وی عظیم اے۔
• سرائیکی قدیم زبان اتے تہذیب۔
• سرائیکی زبان دا قدیم ادب۔
• چولستان دے پُراݨے سرائیکی وستیاں۔
• سرائیکی دا معنیٰ۔

ٻاہرے رابطے

• جھوک پبلشرز دے کتاباں۔
• سئیں ظہور دھریجہ دا تعارف اُردو زبان وِچ۔ ۔ ۔ ۔۔ ۔ ۔ ۔ ۔ ۔