لوک قصّہ سیف الملوک دے شاعری تے اثرات

مولوی لطف علی سرائیکی زبان دے ٻہوں وݙّے شاعر ہَن اِنّھاں اَڄ تُوں ݙو سو سال پہلاں سرائیکی زبان وِچ لوک قصّہ سیف الملوک لِکھ تے سرائیکی زبان کُوں زندہ کر چھوڑیا۔ سیف الملوک اپݨے وقت دی شاہکار کتاب اے جِینکُوں پڑھ تے کئٰ لوک شاعر بݨ ڳئے۔ سیف الملوک دی مقبولیت دی حالت اے ہئی جو سرائیکی وسیب وِچ لوک یا قُرآن مجید دے حافظ ہَن یا وَل سیف الملوک دے۔

مولوی لطف علی چوک بہادر پور ضلع رحیم یار خان دے رہݨ والے ہَن۔ ابّے سئیں دا ناں غیاث الدین ہا اَتے ذات دے نیجڑے ہَن۔ نیجڑے دی شاخ میرانی وِچُوں نِکلی اے اِیں واسطے مولوی لُطف علی اپݨے آپ کُوں میرانی وی لکھیے۔ آکھیا وین٘دے جو لوک قصّہ سیف الملوک مولوی لطف علی ہوراں گڑھی اختیار خان وِچ ٻہہ تے لکّھیا۔

لوک قصّہ سیفُ الملوک نہ صرف سرائیکی وسیب بلکہ سندھ، پنجاب دے شاعریں کُوں وی متأثر کِیتا۔ ڈاکٹر نبی بخش بلوچ سندھی ادبی بورڈ دی مطبوعہ کتاب "سیفل نامو" وِچ لکھدِن جو سندھ دے مشہور شاعراں لعلن خان لغاری، حمل خان فقیر تے اِیں طرح تے ٻئے ٻہوں سارے شاعراں مولوی لطف علی دے لوک قصّہ سیف الملوک تُوں متأثر تِھی تے شاعری شروع کِیتی۔ حضرت خواجہ غلام فرید سئیں فرمایا جو شاعری دی فصل لطف علی کپ ڳے اَساں وݙھ ودے چݨدوں۔ اِیں طرح پنجابی زبان دے شاعراں وِی لوک قصّہ سیف الملوک دی مقبولیّت تُوں متأثر تِھی تے قصّے لکھیے۔ ڄݙاں لوک قصّہ سیف الملوک سرائیکی زبان وِچ آیا تاں سین٘کڑاں سرائیکی شاعر پیدا تھئے اَتے اِنّھاں اپݨی اپݨی دُھر تے اپݨے اپݨے انداز نال شاعری کِیتی، سیفل نامے وے لکھیے ڳئے جِنّھاں وِچُّوں مئو مبارک ضلع رحیم یار خان دے مخدوم محمد بخش دا لوک قصّہ سیفل ملوک قابلِ ذکر ہِے۔

ٻیا ݙیکھو

• لوک قصّے دا سیفل خواں۔

• سرائیکی لوک ادب وِچ نور نامہ دی اہمیّت۔

• ملتان دی لوک تہذیب۔

• سرائیکی زبان دا قدیم ادب۔

• ملتان، لوک تہذیب تے روحانیّت دا مرکز۔

ٻاہرے رابطے

• جھوک پبلشرز دے کتاباں۔

• سئیں ظہور دھریجہ دا تعارف اُردو زبان وِچ۔۔ ۔ ۔۔ ۔ ۔ ۔ ۔ ۔