ملتان دی قدیم لوک ثقافت اتے اُستاد فِدا حسین

ملتان دی قدیم ثقافت لوک کہاݨیاں وِچ پرہلاد نے ڄݙاں ݙٹھا ڄو بھا نال گرم تھی تے انگارہ تھی ونڄن آلے تھمبھے تے ہِک کوِیلی ٹُری ویندی ہِے تاں او ہ وِی تھمبھے کوں وِلھڑ ڳیا۔ پرہلاد اَصل اِچ وحدہٗ لاشریک ذات دا منݨ آلا ہئی اُوکوں بھا نے کوئی نقصان نہ پُچایا۔ ملتان دی دھرتی تے محمد بن قاسم دے آنوݨ توں صدیاں پہلے وی پرہلاد دی صورت اِچ وحدانیت دا پرچار کرݨ آلے موجود ہَن جنہاں سینکڑے ظلم سہہ کے وِی وحدانیت  نال ناطہ جوڑی رکھیا۔ اے تصوراتی مصوّری اُستاد فِدا حسین آرٹسٹ ملتانی خطاط و آرٹسٹ دے مُو قلم دا شہکار ہِے۔ پر ہلاد  دی ہِیں لوک کہاݨی دی روشنی اِچ ملتان دا ہِک پراݨاں ناں کیشپ پوری۔ اَتے وت پر ہلاد پور مشہور تھیا ہا۔ ۔

قلعہ ملتان دِی سب توں پراݨی آبادی ڄݙاں دریا راوی ایندے ٹِیلے دے نال ٹکراندا ہَا۔ ایہہ او قدیم لوک ہن ڄنہاں ملتان دی دھرتی تے آپݨیاں جھونپڑیاں بݨایا ہَن۔ شاید اِے 35000 قبل مسیح دے لوک ہَن اَے تصوّراتی تصویر اُستاد فدا حسین خطاط اَتے مصور توں علامہ عتیق فکری نے بݨوائی ہئی۔ اے تصویر نقشِ ملتان دے صفحہ نمبر 33 توں گھن تے لائی ڳئی ہِے۔

387 ہجری اِچ ڄݙاں سبکتگین دی موت واقع تھئی تاں اُوندے بعد محمود غزنوی نے حکومت سنبھال ڳدی۔ عباسی خلیفہ قاہر باللہ نے اُوکوں توثیق ݙے ݙتی۔ محمود غزنوی نے ملتان تے وِی حملہ کر تے اسمٰعیلی حکومت دا خاتمہ کر ݙتا۔ اِیں تصویر اِچ ملتان دا حاکم دائود بِن نصر زنجیراں اِچ ہِے۔ تے محمود دے کول کمر نِوائی کھڑوتے۔ اے مصوری اُستاد فدا حسین مصور و خطاط دی تخلیق ہِے۔

ملتان تے چڑھائی ویلے کئی ݙینہاں دی لڑائی دے بعد محمد بن قاسم نے اپݨے سپاہیاں نال منجنیق دے ذریعے قلعہ دی فصیل آلی دیوار تروڑن اِچ کامیاب تھی ڳیا۔ ایندے بعد ملتان تے اُوندا قبضہ تھی ڳیا۔ اے تصویر وِی تصوّراتی ہِے۔ اُستاد فدا حسین خطاط اَتے آرٹسٹ نے عتیق فکری سئیں دی فرمائش تے بݨائی ہئی۔ اَتے کتاب نقشِ ملتان حصہ اوّل صفحہ نمبر 281دِی ہِے۔  ۔

ٻِیا ݙیکھو

• خانوادۂ موسیٰ پاک العراقی دے لوک فن وِچ خدمات

• الحاج منظور احمد احقر دستکار۔

• اُستاد فِدا حسین آرٹسٹ                        

• منشی طفیل احمد قادری

• دبستان فروغِ خطاطی اتے منشی طفیل احمد قادری

• اُستاد خلیل الرحمٰن چشتی اتے ٻئے دستکار

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف

• سئیں ابنِ کلیم احسن نظامی (مرحوم) دا ٻِیا پورھیا

• گُلِ رعنا ادب سوسائٹی دے ٻئے کتاباں۔۔