ابن کلیم
ابن کلیم (وِلادت:3 جنوری 1946ء وفات: 12 مارچ 2017ء ملتان) سرائیکی دانشور، محقق تے مہاندرے ہن۔ تے جگ مشہور خطاط تے خط رعنا دے موجد ہن۔ آپ معروف اُردو و سرائیکی ادیب، شاعر، خطاط، کالم نگار ہن.
ابنِ کلیم احسن نظامی | |
|---|---|
| Born | محمد اقبال 03 جنوری 1946 ملتان |
| Known for | خطاط ہفت قلم و موجدِ خطِ رعنا |
خدمات
لکھوآپ ملتان دے معروف خطاط "احسنُ التحریر" مخدوم محمد حسن خان کلیم رقم (خطاطِ ایشیا) دے گھر پیدا تھئے۔ حفظِ قرآن دے بعد ایم اے عربی دی تعلیم مکمل کیتی تے نال ہی خطاطی دی تمام مروّجہ اصناف تے عبور حاصل کیتا۔ خطاطِ ہفت قلم ہوݨ دے نال نال آپ کوں ہک نویں طرزِ تحریر ’’خطِ رعنا‘‘ دی ایجاد دا اعزاز حاصل ہے جینکوں دُنیا بھر دے صاحبانِ علم و فن تے معروف اِداریاں دی جانب توں خطِ نستعلیق دی ایجاد دے 700 سال بعد ہک با ضابطہ خط تسلیم کیتا.
1960ء وچ دبستان فروغِ خطاطی رجسٹرڈ دے ناں توں پاکستان وچ خطاطی دی ترویج دا پہلا اِدارہ قائم کیتا جس دے تحت دُنیا بھر وچ خطاطی دے فن دی نمائشاں، مقابلے تے معروف جامعات وچ ورکشاپس کیتیاں۔ آپ نے فنِ خطاطی دے موضوع تے متعدد مقالات تے 30 معرکہ آرا کتب تخلیق کیتیاں۔ آپ نے اپݨے فن دی 60 توں زائد قومی و بین الاقوامی نمائشیں کیتیاں تے 80 توں زائد قومی و بین الاقوامی اجتماعی نمائشاں وچ حصہ گھدا۔ آپ کوں فن تے خدمات دے اعتراف وچ قومی و بین الاقوامی اِداریاں دی طرفوں 35 توں زائد ایوارڈز و اعزازات نال نوازا ونج چکا ہے۔ خصوصاً ترکی دے معروف اِدارہ آرسیکا نے آپ کوں 1982 ء وچ ’’نادر القلم‘‘ دے اعزاز نال نوازا۔
کتاباں
لکھوابن کلیم دیاں کجھ کتاباں ایہ ہن۔[١]
- الولی
- ہٻڑاس
- دلی یاترا
- پھلپوٹ
- نقوش رعنا
اعزار
لکھو- ’’بارانِ غدیر ایوارڈ‘‘ حوزہ ہنری ایران 2012ء
- لیگ آف عرب اسٹیٹس نیو دہلی و عرب کلچرل سنٹر نیو دہلی 1980ء
- ہجویری ایوارڈ (پاکستان کیلی گراف آرٹسٹس گلڈ دی جانب توں)2004ء
قومی مقابلۂ خطاطی 1984ء وچ، پاکستان نیشنل کونسل آف دی آرٹس اسلام آباد دی جانب توں، خطِ رعنا دی ایجاد تے بین الاقوامی آرٹ بینال وچ اوّل انعام 1987ء وچ منعقدہ الحمرا آرٹ گیلری لاہور وچ ݙتا گیا۔
اولاد
لکھو- مبشر کلیم