عشق اساݙا دین (افسانہ)
زندگی دے سارے اسرار اپݨے کھل ونڄݨ دے بعد کئی نویں اسراریں اِچ بدل ویندن تے اے سلسلہ جیوݨ اِچ ہک نویں گھمبھیرتا پیدا کریندے، خو منش وی اتنا پُر اسرار اے جتنی کائنات کل تک جیڑھی ڳالھ اوندے کیتے شکتی بݨ بݨ دی پئی ہئی اوہا اوندے کیتے زنجیر نݨݨ پئے ویندی ہے،کل تک جیندے کیتے تساں سارا جیوݨ تج ݙیوݨ چاہندے ہاوے ہک ٻئی نویں سجائی اونکوں اتنا بے منی کر ڈیندی ہے جو تہاݙے کیتے پُرانا تعلق بےکار تھی ویندے۔ پر او تعلق ہک نویں شکل اختیار کر ویندے یا تاں اوندا مت اِچ بدل یا وت ناستلی جا بݨ ویندے تے ایہو اڳوں تہاݙے سارے آرٹ ہک نویں ٹریحݙی کوں پیدا کریندے۔ ہندوستان اِچ خاص طور تے برہا تے ملاپ جیڑھا تصور رکھدے سب ݙیسیں توں اَنج ہے تے اتھاں پہنچ کے زندگی دی گھمبھرتا زیادہ تہ داد تھی ویندی ہے۔ اِیں واسطے وصل دی ساری خواہش برہا دی ہی شکل بݨ ویندی ہے۔ اِیں واسطے ملاپ دیاں ساریاں موت تے آکے مُکدین۔ صوفی تے سوامی و صال دا لفظ ہمیشہ موت دے معنے وچ استعمال کریندن جو اینکوں پہلے وصال دی کوئی وی شکل ملکمل نہیں ہوندی۔ ساݙے تمام لوک کہانیں دا اَنت موت تے تھیندے۔ ایندے اُتے ہندوستان ے سوامی بھگت صوفی تے سُچیت ٻہوں کجھ آکھئین جیڑھا خاص ویدانتی تصور ہے۔ میݙے کیتے اَڄ ایں ڳالھ دے لکھݨ دا مقصد محض اے ہے جو جیندے کیتے سارا جیوݨ ونڄائے۔ اَڄ اوندے مِلݨ دی اُمید وی تاں او خوشی نہیں ݙیندی،وقت اپݨا جیڑھا وار کرݨا ہا او کر ڳئے پر اوندے عشق جو کجھ ݙتے وقت سارا جیوݨ اوندے وچوں اپݨا حصہ وصول کریندا رہ تاں وی او نہ مُکسی جیڑھی جھاتی عشق نے اندر پاتی ہے اوندا سوجھلا میکوں اتنا اڳوں تے گھن ڳئے ایں رام چند جی تے کرشن کوں اپݨے نال کھیݙدا ݙیہداں مُرلی دی کوک میݙے کیتے ہُݨ کوئی نویں زبان نئیں،وشق خدا دا وجود ہے ہر جا تے نہ ݙسݨ والا،وشق ہو جَیں رُتیں دی زبان سمجھں اِچ رہبری کیتی تے شام دی مُرلی میکوں بِندرابن کنوں مکے تک گھن آئی۔ حجۃالوداع دے خطبہ اِچ جے کوئی مُرلی دی کوک نہیں سُݨ سڳدا تاں ہک واری وَل ڄمݨاں چاہندا ہے۔
ٻیا ݙیکھو
لکھوٻاہرلے جوڑ
لکھو- گُلِ رعنا ادب سوسائٹی دے ٻئے کتاباں ۔ ۔ ۔ ۔ ۔ ۔ ۔