یوکرائن دے لوک کہاݨیاں

یوکرائن دے لوک کہاݨیاں (انگریزی: Ukrainian folklore) ہِک لوک روائت ہِے جیڑھی یوکرائن وِچ اَتے نسلی یوکرائنی واسیاں وِچ پَلّی وَدّھی ہِے۔ یوکرائن وِچ پائے ون٘ڄݨ آلے لوک کہاݨیاں دی ابتدائی مثالاں پین-سلاویک لوک کہاݨیاں دی پرت ہِن جیڑھے مشرقی سلاوؤاں دے پُراݨے سلاوی افسانیاں نال تعلّق رکھین٘دیاں ہِن۔ ہولے ہولے، یوکرائنیاں نے اپݨی وکھری لوک ثقافت دی ہِک پَرت تیّار کِیتی۔ لوک کہاݨیاں ڳوانڈھی دیساں دی طرفُوں تَکڑی ہم آہنگی دے دباؤ دے پارُوں یوکرائن وِچ ثقافتی امتیاز دی وضاحت اَتے اُوکوں برقرار رکھݨ دا ہِک اہم ذریعہ رِیہا ہِے۔

یوکرین دے روائتی کپڑے۔ سالٹ اینڈ بریڈ اتے رشنیک۔

وکھریپا

یوکرائن دے لوک رِیتاں تے رواجاں دی اَݨ ڳِݨَت پرتاں ہِن جِنّھاں دی وضاحت اِیں دور نال تِھین٘دی ہِے جین٘دے وِچ اُوہ پان٘سا تیّار تِھیا اَتے جیڑھے علاقے وِچ اِین٘دا استحصال کِیتا ڳیا ہئی۔ سبھ تُوں تلوِیں اَتے پُراݨی سطح لوک ثقافت دی پین سلاو پرت ہِے۔ جین٘دے وِچ ٻہوں سارے عناصر ہِن جیڑھے صرف یوکرائن وِچ ڈِٹّھے وین٘دے ہِن۔ اِین٘دے اُتّے دی پرت ثقافتی اَتے لوک کہاݨیاں اُتے مشتمل ہِے جیڑھی یوکرائنی اخلاقیات دے اَنجو انج نِکّے نِکّے جَتّھیاں دی وضاحت کرین٘دی ہِے جیویں: ہوٹسولس، لیمکوس، لائشاکس، پوڈولینز اَتے روسنز۔

یوکرائین دے لوک کہاݨیاں دی کُجھ خاصیّتاں ڳوانڈھی سلاؤ دے لوکاں تُوں اصلُوں وَکھریاں ہِن۔ ایوانا کوپالا (سینٹ جانز فیسٹ) اَتے کولیاڈا دے ڳاݨیاں اَتے تہواراں وِچ عام طور تے لوک کہاݨیاں دے کُجھ گھاٹے اَتے پُراݨے ترین درجیاں نال وابستہ خاصیتاں ہِن جیڑھیاں ڳوانڈھی روسی ثقافت وِچ ڈِٹّھیاں وین٘دیاں ہِن، اَتے اِیہ مخصوص طور تے یوکرائنی ہِن۔ اِنّھاں عناصر نے اِیں وِچار کُوں ڳَڈ مَڈ کر ݙِتّا جو روسی اَتے یوکرائنی نسل دے لوک ہِک ذریعہ نال ڄَمّے ہَن۔

لوک رِیتاں

یوکرائن دے لوک رِیتاں اَتے رسماں کیلنڈر اَتے انسانی حیاتی دے نال ڄڑے ہوئے رِیتاں ہَن۔ اِنّھاں دے نال اکثر مذہبی تقریباں، ترانے، لوک گِیت، جُھمِّر اَتے ڈرامائی ناٹک تِھین٘دے ہَن۔ حیاتی دے چَکّر رے رِیتاں ڄَمَّݨ، پرنیوا اَتے موت کُوں نشان زد کرین٘دیاں ہِن۔ اِنّھاں وِچُوں ٻہوں سارے رِیتاں پُراݨیاں ہِن اَتے ٻہوں سارے معاملیاں وِچ عیسائی رِیتاں دے نال رَل مِل ڳئیاں ہِن۔ اِنّھاں کوں ترے ونکیاں وِچ ونڈایا ون٘ڄ سڳین٘دا ہِے:

• خاندانی رِیتاں تے رواج – جیڑھے ڄَمَّݨ، پرنیوے اَتے مرݨ دے رِیتاں اُتّے مشتمل ہون٘دے ہِن۔
• موسمی پیداواری رِیتاں اَتے رواج – جیڑھی رَڑھ وائی، ڳَلّہ بانی اَتے شکار دے کَمّاں نال منسلک ہِن۔
• فرقہ وارانہ رِیتاں اَتے رواج – جیڑھے لوکاں دی حیاتی وِچ کُجھ واقعیاں کُوں نشان زد کرین٘دے ہِن۔

یوکرائن وِچ جدید ثقافت دے متعارف تِھیوݨ دے بعد لوک رِیتاں تے رِواجاں وِچ ٻہوں سارے بَدَل آئے ہِن۔ سوویت یونین دے تحت، لوک رِیتاں اَتے رواجاں کُوں ناکامی نال دبایا ڳیا۔ مَنَّݨ آلے ہُݨ وی عیسائی رِیتاں تے رواجاں اُتے عمل کرین٘دے رہن٘دے ہَن، اَتے دیس وِچ کُجھ لوکاں نے پُراݨے رِیتاں اَتے رواجاں کُوں وی جِوا ݙِتّا۔ ١٩٩١ء دے بعد سوویت یونین دے بعد دے یوکرائن وِچ خاص طور تے مغربی اوبلاستاں وِچ ٻہوں سارے عیسائی رِیتاں کُوں جِیوِت کِیتا ڳیا ہِے۔

لوک جُھمّراں

ہوپاک لوک جُھمِّر

ٻاہرلے جوڑ

• یوکرائن دے روائتی لوک کہاݨیاں. البرٹا دی یونیورسٹی تُوں۔
• لوک مقالہ جات یوکرائن دے انکسائیکلوپیڈیا اُتّے۔