یوکرائن

یوکرین مشرقی یورپ دا ہک ملک ہے۔ اے روس دے بعد رقبے دے لحاظ نال یورپ دا ݙوجھا سب توں وݙا ملک ہے۔ یوکرین دے سرحداں شمال وچ بیلاروس دے نال وی ملدن۔ جبکہ مغرب وچ پولینڈ، سلوواکیہ، تے ہنگری، جنوب وچ رومانیہ تے مالدووا ایندے ہمسایہ ممالک، تے بحیرہ ازوف تے بحیرہ اسود دے نال ہک ساحلی پٹی وی ہے۔ اے 603,628 مربع کلومیٹر (233,062 مربع میل) دے رقبے تے پھیلا ہویا ہے، 41.2 ملین دی آبادی دے نال ایہ یورپ دا اٹھواں سب توں زیادہ آبادی والا ملک ہے۔ ملک دا دار الحکومت تے سب توں وݙا شہر کیئف ہے۔

یوکرین 1920ء توں 1991ء تک سوویت یونین دا حصہ رہیا ہے۔ نوے دے ݙہاکے وچ جݙݨ سوویت یونین دا عروج ڈگمگاوݨ لڳا تاں یوکرین انہاں پہلے ممالک وچوں ہئی، جیں نے 16 جولائی 1990ء کوں یونین توں علیحدگی دا اعلان کیتا۔ تقریباً ہک سال بعد 24 اگست 1991ء کوں یوکرین نے خودمختاری تے مکمل آزادی دا اعلان وی کر ݙتا۔