مشرقی یورپ

دریائے ڈینیوب تے بحیرہ اسود دے شمال اچ پھیلا ہویا علاقہ مشرقی یورپ (eastern europe) اکھیندا ہے۔ ایں خطے دا بیشتر علاقہ میدانی ہے۔ بیلارس، مالڈووا، رومانیہ تے یوکرین مشرقی یورپ دے ممالک شمار کیتے ویندن۔ جبکہ قفقاز دے ممالک تے سرد جنگ دے دوران وسطی یورپ دے وائز گراڈ گروپ دے ممالک وی مشرقی یورپ دا حصہ سمجھے ویندن۔ علاوہ ازیں شمالی یورپ دی بالٹک ریاستاں تے یورپی روس کوں وی مشرقی یورپ دا حصہ سمجھا ویندا ہے۔