ملتان دے لوک فنون دے کُجھ مہان٘درے

• ملتان دے عبد الرشید مسرور خطاطی اِچ صوفی خورشید عالم لاہوری دے شاگرد ہِن، اخبارات اِچ خوشنویسی دیاں خدمتاں اَنجام ݙیندے رَہے۔

• صوفی طفیل احمد خوشنویس:  اِنہاں آپݨے پتر رستم کوں وِی اے فن سکھایا ڄہڑے اخباراں اِچ کم کریندے ریہے۔

• عبدالغفار شاد معروف خوشنویس شاہین مارکیٹ اِچ خطاطی دا کم کریندے ریہے۔ انہاں وی آپݨے پتراں کوں خطاطی دا فن سکھایا ہئی۔

• شاہین مارکیٹ اِچ ݙو دوست خطاط وَڈے مشہور تھئے اِنہاں الخطاط دے ناں نال بیٹھک بݨائی ہئی اے ہَن منظور احمد اَتے انور حسین۔

• رمضان سلیم شاہد خطاط وی وݙے صاحبِ فن ہَن شاہین مارکیٹ اِچ انہاں دے علاوہ عبدالرحیم شیخ، اسلم زاہد، نواز آرٹسٹ، اقبال رحیمی اَتے اقبال یوسفی، اِلٰہی بخش اَتے سیف الرحمن خوشنویس نے وَݙے فنی کمال ݙکھائے ہَن۔ محمد ظہور تابش، اطہر قریشی، اے ڈبلیو ناصر، نوید بھٹی۔

• اِینویں اِی اُستاد فدا حسین آرٹسٹ اَتے نہاں دے کئی شگرداں نے ملتان اِچ خطاطی تے آرٹ دی خدمت کیتی۔ جنہاں اِچ شمس الدین وِی ہِن۔

احمد یار خان یکتا

احمد یار خان دا یکتا تخلص ہئی خطِ نسخ دے ٻہوں چنگے خطاط ہَن انہاں دے اَبّا سئیں اللہ یار خان لاہور، ملتان اَتے ٹھٹھہ دے حاکم وی رہ چکے ہَن وَت خود احمد یار وی عہد عالمگیری اِچ ٹھٹھہ دے حاکم مقرر تھئے ھَن۔ غلام علی آزاد بلگرامی نے ماثر الکرام اِچ لکھیا ہِے جو احمد یار خان نے قُرآن مجید لکھ کے سید عبد الجلیل بلگرامی کوں پیش کتا ہئی۔ اے شاعری وی کریندے ہَن تہوں انہاں دا تخلص یکتا ہئی۔  ۔

سید عبداللہ الحسینی ملتانی المعروف ’’نازک رقم‘‘

سید عبداللہ الحسینی ملتانی ڄہڑھے نازک رقم دے فنی ناں نال مشہور ہَن، انہاں دا تفصیلی احوال تاں نِیں ملیا البتہ ٹیپو سلطان دے کتب خانے اِچ ہِک گلستان موجود ہئی ڄہڑھی اِیں وقت برٹش میوزیم اِچ ہِے ایندا کاتب سید عبد اللہ حسینی ملتانی ہِے۔ ڄیں اَے کتاب ٹھٹھہ اِچ 994 ہجری اِچ لکھی ہئی اِے مغل دَور توں پہلے دِی گاٖلھ ہِے۔

فتح علی ملتانی خطاط

فتح علی ملتانی (ع۳۱) مرزا احمد علی کشمیری (ع۳۲) چنڳے خطاط گزرِن انہاں دِی خطاطی دا ہِک نمونہ لاہور عجائب گھر دی مخطوطات گیلری اِچ موجود ہِے انہاں کوں کتھے نال بݨائی گئی سیاہی نال لکھݨ دا وَݙا شوق ہَا، انہاں دی وفات 1919ء اِچ تھئی اَتے مومن پورہ قبرستان لاہور اِچ دفن تھئے۔

ٻِیا ݙیکھو

• خطاطی دے لوک فن دے کُجھ ضروری ڳالھیں

• خطاطی دے لوک فن کِیتے ضروری اشیاء۔

• دستکاری وِچ ہَتھ اتے ساہ دی طاقت        

• ملک نواز احمد اعوان دستکار

• ملتان دے لوک فنون دے ݙو مہان٘درے ناں

• ملتان دے کڄھ خطاطاں دے فن دی لاہور اِچ نمائش

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف

• سئیں ابنِ کلیم احسن نظامی (مرحوم) دا ٻِیا پورھیا

• گُلِ رعنا ادب سوسائٹی دے ٻئے کتاباں۔۔