خطاطی دے لوک فن کِیتے ضروری اشیاء

فنِ خطاطی معروضی نِیں بلکہ اِے ہِک موضوعی فن ہِے۔ اَتے اِیں موضوع تے ملتان دے تاریخی حوالے نال اَساں ٻہوں کڄھ کٹھا کر ݙتے۔ اَج ڄیکر خطاطی دا لوک فن زندہ و تابندہ ہیِ تاں اِے خطاط صاحبان دِیاں ذاتی کوششاں دا نتیجہ ہِے۔ ڄیڑھے اَج وِی ایں فن دی خدمت اَتے اِیندے وَدھارے کیتے عملی کم کریندے پِین اَتے اِیں فن تے لکھدے وی ہِن۔ اِیں عظیم فن کُوں سِکّھݨ یا کرݨ کِیتے اساکوں تَلّے ݙِتّیاں ڳئیاں شئیں دی لوڑ پون٘دی ہِے:

قلم

پُراݨے وَقتاں اِچ نر کل دا واسطی قلم استعمال تھیندا ہَا۔ تِکھے دھار آلے چاقو نال قلم گھڑیا ویندا ہا۔ ہاتھی ݙند دے ہِک ٹکڑے تے رکھ کے چاقو نال قلم کوں قط لایا وینداہَا۔ جیکر ہاتھی ڈند نہ ہووے ہا تاں تختی کُوں پاسے بھار رکھ تے اُوندے اُتے قط لایا ویندا ہَا۔ وَت قلم دے قط دے اَدھ اِ چ ٹُک ݙتا ویندا ہا۔

سجے پاسے آلی نوک کوں ’’اُنسی‘‘ اَتے کھبّے پاسے آلی نوک کوں وحششی داناں ݙتا گیا ہَا۔ قلم دی موٹائی کوں قط آکھیا ویندا ہِے۔

خطاطی کرݨ کیتے پنڄ ضروری ڳالھیں

ڄے تئیں اِے پنڄ شَیں کٹھیاں نہ تھیون خطاطی نیں تھی سَڳدی یعنی اِنہاں پنڄ شیّاں دے بغیر خوشنویس اکھواوݨا ٻہوں مشکل ہِے۔ او پنج شیں اے ہِن:

1۔    لکھݨ آلے دِے ہَتھ ئِ چ طاقت ہووے۔

2۔    خطاطی دے اُصولاں نال واقفیّت ہووے۔

3۔    مہربان استاد دی سرپرستی حاصل ہووے۔

4۔    محنت نال مشق کرݨ دا حوصلہ ہووے، یعنی استاد دے ݙتے ہوئے سبق تے خالی قلم نال سَو سَو واری مشق کرݨ دا جذبہ ہووے۔

5۔    فنِ خطاطی کیتے تمام ضروری سامان دِی تھوڑ نہ ہووے۔

ٻِیا ݙیکھو

• خطاطی دے لوک فن دے کُجھ ضروری ڳالھیں

• دستکاری وِچ ہَتھ اتے ساہ دی طاقت۔

• ملتان دے لوک فنون دے کُجھ مہان٘درے      

• ملک نواز احمد اعوان دستکار

• ملتان دے لوک فنون دے ݙو مہان٘درے ناں

• ملتان دے کڄھ خطاطاں دے فن دی لاہور اِچ نمائش

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف

• سئیں ابنِ کلیم احسن نظامی (مرحوم) دا ٻِیا پورھیا

• گُلِ رعنا ادب سوسائٹی دے ٻئے کتاباں۔۔