لوک قصّہ سیفل نامے بارے روایتاں

لوک قصّہ سیف الملوک بارے خوش عقیدہ لوکیں مختلف روائتاں ہُلایاں ہویا ہن، اِنّھاں لوکیں دا خیال اے جو سیف الملوک سچّا لوک قصّہ ہِے۔[١]

کُراڑے مذہب دے لوکاں دی روایت لکھو

ہِک روائت اے مشہور کِیتی ڳئی جو مولوی لطف علی کول کُجھ کراڑے مذہب دے لوک ڳئے جو اِیں قصّے نال تُساں ہِک دُنیا کُوں پاڳل بݨا چھوڑے، اے ݙسّو جو اِین قصّے دی حقیقت کیا ہِے؟ آکھیا وین٘دے جو مولوی صاحب جلال وِچ آ ڳئے اَتے اپݨے تݙے دا پاند چاتا تاں مولوی صاحبان کُوں مصر دا بادشاہ، بدیع البانو تے اُوندے لڑھدے ٻیڑے ݙکھا ݙتّے، حالانکہ اے روایت کوڑی ہِے کیوں جو مولوی لطف علی اپݨے قصّے بارے لکھیے جو "لطف علی آپوں کُجھ نہ بولیا آن٘دا نقل کتابوں" در اصل لوک قصّہ سیف الملوک عربی کتاب "الف لیلیٰ (ہزار داستان)" دا ہِک حِصّہ ہِے۔

پاڳل تِھیوݨ دی روایت لکھو

سرائیکی وسیب خصوصاً ریاست بہاولپور وِچ اے ڳالھ مشہور کر ݙِتّی ڳئی جو جیڑھا بندہ مولوی لطف علی دا لوک قصّہ سیف الملوک پڑھدے او پاگل تے چَریا تھی وین٘دے۔ خان پور دے ہِک شخص دے بارے روایت ہِے جو او کتاب سیف الملوک کوں ݙانگ نال کُٹّی ون٘ڄے، ٻئے بندے اُونُکُوں ہَٹکیا جو تُوں کتاب کُوں کیوں کُٹّی وین٘دی؟ اُوں بندے ولدی ݙِتّی جو میکُوں لوک آکھدے ہِن جو جیڑھا بندہ سیف الملوک پڑھدے پاگل تھی وین٘دے، میں تاں اِیں کتاب کُوں کئی واری پڑھیے پر پاگل نی تھیا، ݙوجھے بندے ولدی ݙتّی جو بے جان کتاب کوں ماری وین٘دیں اِیں تُوں ودھ کیا پاگل تھیسیں؟ [٢]

ٻیا ݙیکھو لکھو

حوالہ جات لکھو

  1. از: ظہور دھریجہ، ناں کتاب: سرائیکی وسیب، چھپَّݨ دا ویلا: نومبر 2003ء اتے 2013ء، چھاپہ خانہ: جھوک پرنٹرز ملتان۔
  2. از: لائبریری سئیں ڈاکٹر خالد اقبال۔

ٻاہرے رابطے لکھو