لالہ مہری بختیار (اردو: لالہ بختیار) (ڄَمَّݨ دی تَرِیخ: ٢٩ جولائی ١٩٣٨ء) (ڄَمَّݨ دی جاء: نیو یارک شہر، امریکا)۔ اُوہ ایرانیامریکی مصنّفہ، مترجم اَتے ماہرِ نفسیات ہَن۔[١][٢][٣][٤]

لالہ بختیار

حیاتی دا احواللکھو

اُوہ نیویارک شہر دے وِچ امریکی اَمّاں اَتے ایرانی پِیؤ دے گھر وِچ ڄَمّے ہَن۔ اُنّھاں دا نِکّا لاء لاس اینجلس اَتے واشنگٹن ڈی سی وِچ گُزریا۔ اُنّھاں دی پرورش کاتھولک کلیسا عقائد اُتّے تھئی۔ ٢٤ ورھیاں دی عُمر وِچ اُوہ اپݨے ایرانی پئے اَتے ٣ ٻالاں دے رَلّے ایران کوچ کر تے آ ڳئی، اُتّھاں اُنّھاں نے جامعہ تہران وِچ ڈاکٹر سیّد حسین نصر دی اڳواݨی وِچ اسلام دا مطالعہ کِیتا۔ اُنّھاں نے قرآنی عربی دا مطالعہ کِیتا اَتے ١٩٦٤ء وِچ اسلام قبول کر گِھدّا۔ ١٩٧٦ء وِچ اُنّھاں دی اپݨے پئے تُوں طلاق تِھی ڳئی۔ ١٩٨٨ء وِچ اُوہ وَلا امریکہ چلی ڳئی۔ اُنّھاں نے پنسلوینیا دے چہاتہم کالج تُوں تاریخ وِچ بی اے کِیتا۔ اُنّھاں نے ایم اے فلسفے وِچ اَتے ہِک ایم اے کونسلنگ سائیکالوجی وِچ کِیتا۔ اُنّھاں نے ایجوکیشنل فاؤنڈیشنز وِچ پی ایچ ڈی کِیتی۔ اُوہ نیشنلٹی سرٹیفائیڈ کونسلر وی ہِن۔ ٢٠٠٧ء تُوں اُوہ شکاگو وِچ رہن٘دی ہِن، جِتّھاں اُوہ انسٹی ٹیوٹ آف ٹریڈیشنل سائیکالوجی دی صدر اَتے قاضی پبلی کیشنز وِچ سکالر اِن ریزیڈینس ہِن۔

کَم کارلکھو

اُنّھاں دی اسلام دے حوالے نال تصنیف کردہ اَتے ترجمہ کردہ کتاباں دی مجموعی ڳِنتری ٢٥ ہِے۔ اُنّھاں دی زیادہ تر کتاباں تصوّف توں متعلق ہِن۔ اُنّھاں نے بطورِ مصنفہ یا شریک مصنفہ ٻہوں سارے سوانح حیات اُتے وی کَم کِیتا ہِے۔ اُنّھاں نے قُرآن پاک دا ترجمہ وی کِیتا جیڑھا The Sublime Quran دے ناں نال ٢٠٠٧ء وِچ جاری کِیتا ڳیا۔ اُوہ قُرآن دا انگریزی ترجمہ کرݨ آلی پہلی امریکی زنانی ہِن۔ اپݨے ترجمہ قرآن وِچ اُنّھاں نے "کافرون" دا ترجمہ روائیتی کفار یا عقیدہ نہ رکّھݨ آلیاں دی بجائے نا شُکرے (ungrateful) کِیتا ہِے۔ اُنّھاں نے قرآن دی سورت ٤ آیت ٣٤ وِچ ضرب دا ترجمہ روائتی مار کُٹ دی بجائے وکھرا تِھیوݨ (go away) کِیتا ہِے۔ اُنّھاں نے ترجمے وِچ عربی الفاظ "اللہ" اَتے "مریم" دی بجائے انگریزی الفاظ "گاڈ" اَتے "میری" ورتے ہِن۔ اُنّھاں دا اکھاݨ ہِے جو اُنّھاں دا ترجمہ غیر مسلماں کُوں اسلام تُوں پرے نئیں کرین٘دا۔

حوالہ جاتلکھو

  1. http://www.aspentimes.com/article/20070815/NEWS/108150041/-1/rss02
  2. A Bridge Between Two Cultures
  3. Biography of Laleh Bakhtiar
  4. Hanady Kader, Online Matchmaking Sites Court U.S. Muslims WeNews, مئی 29, 2008