عشرت آفرین
عشرت آفرین (اردو: عشرت آفرین) (انگریزی: Ishrat Afreen) (ڄَمَّݨ دی تَرِیخ: ٢٥ دسمبر ١٩٥٦ء) ہِک پاکستانی مصنف زنانی، اردو شاعرہ، اَتے حقوقِ نسواں دی سرگرم کارکن اَتے اردو ادب وِچ سبھ تُوں وَدھ با اثر پنڄ زنانیاں وِچُوں ہِک ہِن۔ [١]اِنّھاں دی تخلیقاں دا انگریزی، جاپانی، سنسکرت، اَتے ہندی دے نال نال ٻِنّھاں ٻولیاں وِچ ٻولی وٹار کِیتا ڳیا ہِے۔
ابتدائی حیاتی اَتے کَم کار
لکھوعشرت جہاں پنڄ ٻالاں وِچُوں سَبھ تُوں وَݙّی ہَن۔ اُوہ کراچی، پاکستان وِچ ہِک پڑھے لکّھے ٹَٻَّر وِچ ڄَمّی ہَن۔ بعد وِچ اِنّھاں نے اپݨاں ناں بدل گِھدّا اَتے قلمی ناں "عشرت آفرین" رکھ گِھدّا۔ اِنّھاں دا پہلا کلام ٣١ اپرین ١٩٧١ء وِچ "روزنامہ جنگ" وِچ ١٤ ورھیاں دی عمر وِچ چَھپّیا ہئی۔ اِنّھاں نے لکھݨ دا کَم جاری رکھیا اَتے ہندوستان اَتے پاکستان بھر وِچ ٻہوں سارے ادبی رسالیاں وِچ اِنّھاں دا کلام چَھپّیا۔ اُوہ اَخِیر اِچ ماہنامہ رسالے "آواز" کِیتے اسسٹنٹ ایڈیٹر بݨ ڳئی، اِیں رسالے دی ایڈیٹر مہان٘دری شاعرہ "فہمیدہ ریاض" ہَن۔ اپݨے تحریری کَم کار دے متوازی اِنّھاں نے ١٩٧٠ تُوں ١٩٨٤ء وِچ ریڈیو پاکستان دے اَݨ ڳِݨت ریڈیو شوز وِچ حِصّہ گِھدّا ہئی جیڑھے قومی اَتے عالمی سطح اُتے نشر تھئے ہَن۔ بعد وِچ اِنّھاں نے مرزا جمیل دے نال عالمگیر "نوری نستعلیق اردو سکرپٹ" برائے ان پیج اُتے کَم کِیتا۔
اِنّھاں نے ١٩٨٥ء وِچ ہِک ہندوستانی وکیل سید پرویز جعفری دے نال شادی کِیتی اَتے ہجرت کر ڳئی۔ اِین٘دے پنڄ ورھیاں بعد اُوہ اپݨے ݙو ٻالاں دے نال امریکہ منتقل تِھی ڳئے۔ اُوہ ہُݨ اپݨے ترائے ٻالاں دے نال ٹیکساس دے ہیوسٹن وِچ رہن٘دی ہِن۔
عشرت آفرین اِیں ویلے آسٹن دے ہندو اردو فلیگ شپ پروگرام وِچ یونیورسٹی آف ٹیکساس دی پرنسپل اردو لیکچرار ہِن۔[٢]
تعلیم
لکھوعشرت نے علامہ اقبال گورنمنٹ کالج کراچی توں انڈر گریجویٹ تعلیم گِھدّی اَتے بعد وِچ اردو ادب وِچ ماسٹر ڈگری جامعہ کراچی، پاکستان تُوں گِھدّی۔ اُوہ آغا خان سکول اَتے بورڈنگ ہاؤس وِچ وی پڑھین٘دی ہَن۔
ادبی انداز
لکھوعشرت آفرین اردو ادب وِچ زنانیاں دے حقوق دی تحریک دا حِصّہ ہِن۔ اِیں تحریک وِچ شامل ٻئے زنانیاں وِچ ادا جعفری، زہرا نگار، فہمیدہ ریاض، کشور ناہید، اَتے پروین شاکر شامل ہِن۔
عشرت آفرین اردو شاعر علامہ اقبال اَتے فیض احمد فیض دے نال تَکڑی سُن٘ڄاݨ رکھین٘دی ہِن اُوہ اِنّھاں دے نفیس اَتے روائتی انداز کُوں ورتین٘دی ہِن۔ اَتے اِین٘دی صلاحیت دے نال انفرادیت اَتے پادری اَتے جابرانہ معاشرتی اُصولاں دے برعکس بد ناں زمانہ پیغامات تخلیق کرین٘دی ہِے۔
ایوارڈز اتے اعزازات
لکھوآفرین کُوں ١٩٨٦ء وِچ سجاد ظہیر ایوارڈ دے نال نال اَݨ ڳِݨت پُر وقار ایوارڈاں تُوں نوازیا ڳیا ہئی۔
اُوہ پورے یورپ، امریکہ اَتے ایشیاء وِچ مشاعراں وِچ لیکچر ݙیوݨ، ورکشاپاں کراوݨ، کانفرنساں وِچ سنڳت کرݨ اَتے اپݨی شاعری پڑھدی ہِن۔
حوالہ جات
لکھو- ↑ by a research paper presented at NIPA
- ↑ "Archive copy". Archived from the original on 2010-07-25. Retrieved 2022-03-20.
{{cite web}}: CS1 maint: archived copy as title (link)
