عارف لوہار

عارف لوہار (اردو: عارف لوہار) (ڄَمَّݨ دی تَرِیخ: ١٨ اپریل ١٩٦٦ء) مہان٘درے پاکستانی لوک ڳائیک ہِن جیڑھے عالم لوہار دے پُتر ہِن۔ اِنّھاں دا صوفیانہ گیت "پیر دی جُڳنی جی" نے اِنّھاں دی فنی خدمتاں کُوں اَمر کر ݙِتّا۔ اَواز دی چاشنی اَتے خوش لباسی اِنّھاں دی پِچھاݨ ہِے۔ اِنّھاں دی لوک موسیقی پنجاب دے روائتی لوک وِرثہ دی نمائندگی کرین٘دی ہِے۔

ابتدائی حیاتی

عارف لوہار پاکستان دے شہر لالہ موسیٰ وِچ ١٩٦٦ء وِچ ڄَمّے ہَن۔ اِنّھاں دے پِیؤ عالم لوہار ہَن، جیڑھے تحصیل کھاریاں دے نیڑے لالہ موسیٰ وِچ واقع دِیہ نال تعلّق رکھین٘دے ہَن اَتے ہِک مہان٘درے لوک ڳائک ہَن۔

کَم کار آلی حیاتی

عارف لوہار پِچھوکڑ ٢٠ ورھیاں دے وچالے وِچ دُنیا بھر وِچ ٥٠ تُوں وَدھ غیر مُلخی دوریاں وِچ اپݨے فن دا مظاہرہ کر چُکّے ہِن، اِنّھاں وِچ ملکت متحدہ، ریاستہائے متحدہ اَتے متحدہ عرب امارات دے دورے وی رَلّے ہوئے ہِن۔

اِنّھاں نے پاکستان اَتے ہندوستان وِچ اَݨ ڳِݨت پنجابی فلماں وِچ وی نغمے پیش کِیتے ہِن۔

عالم لوہار میموریل ٹرسٹ

٢٠٠٤ء وِچ، عارف دے وݙّے بِھرا ڈاکٹر ارشد محمود لوہار نے اپݨے پِیؤ دے اعزاز وِچ عالم لوہار میموریل ٹرسٹ (اے ایل ایم ٹی) بݨایا ہئی۔

ستمبر ٢٠١٠ء وِچ، عارف لوہار نے ٢٠١٠ء دے پاکستان دے سیلاب تُوں تباہ تِھیوݨ آلے لوکاں دی مدد کِیتے سرگرم مہم چلاوݨ دا اَغاز کِیتا ہئی۔ اُوہ مقامی ٹیلی ویژن اُتّے اَتے بین الاقوامی فنڈ کَٹّھا کرݨ دے حون٘صلے ودھارے کِیتے حاضر تھئے اَتے پورے پاکستان وِچ خصوصی محافلِ موسیقی وِچ وی اپݨے فن دا مظاہرہ کِیتا۔

ایوارڈز اَتے پِچھاݨ

• برٹ ایشیاء ٹی وی میوزک ایوارڈز دا لائف ٹائم اچیومنٹ ایوارڈ (ساری حیاتی خدمت کرݨ دا اِنام) ٢٠١٨ء۔
• صدارتی تمغائے حسنِ کارکردگی، ٢٠٠٥ء

ٻِیا ݙیکھو

• شوکت علی (ڳائیک)
• صنم ماروی
• سائیں ظہور
• پاکستانی لوک ڳائیکاں دی تن٘دِیر

ٻاہرلے جوڑ

• Arif Lohar & Meesha – Coke Studio، اخذکردہ بتاریخ 10 اگست 2015