صنم ماروی

صنم ماروی (اردو: صنم ماروی) پاکستان دی مہان٘دری لوک فنکارہ اَتے صوفی ڳائیکہ ہِن، اِنّھاں نے کوک سٹوڈیو پاکستان اَتے پاکستان ٹیلی ویژن کِیتے اَݨ ڳِݨت گِیت ڳائے ہِن۔ اُوہ سندھی، پنجابی اَتے بلوچی ٻولیاں وِچ ڳان٘دی ہِن۔

صنم ماروی اپݨے فن دا مظاہرہ کرین٘دے ہوئے

ابتدائی حیاتی اَتے کَم کار

صنم ماروی دا نِکّا لاء اوکھاں، ݙُکّھاں اَتے غربت نال بھریا ہویا ہئی۔ ماروی نے ٧ ورھیاں دی عمر وِچ ای موسیقی دی سِکھلائی حاصل کرݨ دا اَغاز کر ݙِتّا ہئی۔ اُوہ ہِک سندھی ٹَٻَّر نال تعلق رکھین٘دی ہِے۔ اِین٘دے اَبَّا سئیں، فقیر خان محمد وی ہِک سندھی لوک موسیقی / ہارمونیم دے وڄاوݨ آلے ہَن۔ اُنّھاں نے صنم ماروی کُوں ابتدائی کلاسیکی موسیقی دی تربیّت ݙو ورھیاں تئیں ݙِتّی، بعد وِچ اِنّھاں نے گوالیار ٹَٻَّر روائت وِچ سندھ تُوں اُستاد فتح علی خان تُوں کلاسیکی ڳاوݨ اَتے راڳ سِکّھ گِھدّا۔ اُوہ آہ٘دی ہِے جو اُنّھاں نے لوک ڳائیکہ عابدہ پروین تُوں وی ٻہوں کُجھ سِکّھیا ہِے۔ اُنّھاں نے ٢٠٠٤ء اَتے ٢٠٠٥ء وِچ رفئیر پیئر تھیٹر وِچ فن دا مظاہرہ کِیتا۔

صنم ماروی نے ٢٠٠٩ء وِچ، یوسف صلاح الدین دی میزبانی وِچ، پاکستان ٹیلی ویژن کارپوریشن چینل اُتّے "ورثہ ہیریٹیج" و،چ، ہِک موسیقی پروگرام دا اَغاز کِیتا ہئی۔ اُوہ پاکستانی تفریحی صنعت وِچ ہِک وݙّی بریک پیش کرݨ تے اُوکُوں پِرِیت نال "ہِک بابا آلی کار" (ہِک پِیؤ دی شخصیّت) آہ٘دے ہِن۔ بعد وِچ اُوں نے ہِک پاکستانی ٹیلی ویژن سیریز کوک سٹوڈیو پاکستان وِچ فن دا مظاہرہ کِیتا، جین٘دے وِچ براہِ راست موسیقی دی پرفارمنس پیش کِیتی ڳئی ہئی۔

ماروی دُنیا بھر وِچ صوفی محافلِ موسیقی پیش کرین٘دی ہِے۔ اُوہ صوفی، غزل اَتے لوک صنف دے ٣ بہترین اداکارائیں وِچ ڳِݨی وین٘دی ہِے۔

ماروی نے ٢٠١٢ء وِچ لندن، پیرس، نیو یارک وِچ منعقدہ محفلِ موسیقی تُوں حدیقہ کیانی اَتے علی ظفر دے نال ڳاݨاں ڳاوݨ دا اَغاز کِیتا۔

اِنّھاں نے اے پلس انٹرٹینمنٹ تے پیا بیدری اَتے اردو دی بچئے برائے فروخت کِیتے او ایس ٹی ڳاݨاں ڳایا ہئی۔

ذاتی حیاتی

صنم ماروی دی شادی حامد علی خان نال تھئی ہِے، اِنّھاں دے ترے ٻال ہِن، اِنّھاں دے پہلے پئے "آفتاب احمد پھیرو"، جِنّھاں کُوں "آفتاب احمد کلہوڑو" دے ناں نال وی سُنڄاݨا وین٘دا ہِے، کُوں ٢٠٠٩ء وِچ کراچی وِچ قتل کِیتا ڳیا ہئی۔ اِنّھاں نے ٢٠٠٦ء وِچ شادی کِیتی ہئی جاں جو اِنّھاں دی موت تُوں پہلاں ݙو ورھیاں تئیں اِنّھاں دی آپت وِچ جھیڑا پووݨ دی پارُوں بیگانگی تِھی ڳئی ہئی۔ ماروی آفتاب کلہوڑو دی ݙوجھی ذال ہئی۔

ایوارڈ

• لطیف ایوارڈ (2011)
• بہترین ڳائیکہ ۔ صوفی ازم یونیورسٹی
• بہترین ڳائیکہ لائٹ موسیقی - ورثہ وِچ 2012ء وِچ منعقد تھئے 17 ویں پی ٹی وی قومی ایوارڈ
• 9ویں بین الاقوامی موسیقی فیسٹیول وِچ یونیسکو ایوارڈ جِتیا (میلہ شارق ترونلاری، سمرقند 2013). اوہ ایہ ایوارڈ جِتَّݨ آلی نصرت فتح علی خان دے بعد ݙُوجھی ڳائیکہ ہِن۔
• 2020ء وِچ صدر پاکستان دا تمغہ امتیاز ایوارڈ