لندن

لندن (یا لنڈن) انگلستان تے مملکت متحدہ دا دار الحکومت تے سب توں وݙا شہر ہے۔ ایہ شہر دریائے ٹیمز دے کنارے جنوب مشرقی انگلستان وچ دریا دے 50 میل (80 کلومیٹر) طویل دہانے تے واقع ہے جیہڑا بحیرہ شمال وچ ڈھہندے۔ لندن ݙو ہزار سال توں ہک اہم آباد مقام رہیا ہے۔ لوندینیوم دا قیام رومیاں دے ہتھوں عمل وچ آیا۔ لندن شہر، لندن دا قدیم بنیادی تے مالیاتی مرکز محض 1.12 مربع میل (2.9 مربع کلومیٹر) دا علاقہ ہے جیہڑا عام ٻول چال وچ مربع میل (سکوائر مائیل / سکوائر میل) سݙیندے۔ اڄ وی ایں علاقے دے حدود اوہے یا تقریباً اتنے ہی ہن جیہڑے قرون وسطی وچ ہن۔ ملحقہ ویسٹ منسٹر شہر اندرونی لندن دا حصہ ہے تے صدیاں توں قومی حکومت دا صدر مقام رہیا ہے۔ شہر دی تشکیل کریندن۔ شہر لندن ہک میئر تے لندن اسمبلی دے زیر انتظام ہے۔