حق سچ دے اَکھراں دا خالِق

اِیہ سئیں ابن کلیم احسن نظامی دے بارے وِچ "سیئں ڈاکٹر مہر عبدالحق" دِی ہِک یادگار تحریر ہِے جیڑھی سرائیکی لوک ادب دی ہِک پوتھی وِچُّوں گِھدّی ڳئی اے۔ لِکّھت ملاحظہ فرماؤ:

ابنِ کلیم دی رُوح اللہ ربّ العزت نے اُوں ویلے تخلیق کِیتی ڄیڑھے ویللے اللہ خود حق سچ کُوں انساناں دے دِلّاں اِچ احساس ڈِتّا۔ ابنِ کلیم ہک مِٹیا ہویا انسان ہِے۔ اُوندی دھرتی تے دھرتی واسیاں نال جُڑت کُوں صرف مَوت ءِی جُدا کر سڳدی اِے'کوئی پارٹی،جماعت یا انسان نِیں کرسڳدے،او کیوں؟

کیوں ڄو ابنِ کلیم اِیں صدی دا خطاطی دی دُنیا ءِچ سب توں وَݙا تے عظیم آرٹسٹ ہِے بلکہ اردو دی دُنیا دا عظیم تر فنکار تے خطاط! ابن کلیم دے دِل وِچ ہِک بھانبھڑ بھڑکدا پے، او ہِے سچ دَا بھانبَھڑ۔ ڄیندی نکی خَہیں چِڑنگ دا سیک اَڄ دا خود غرض تے مطلبی تے ڈوں چاپا انسان ذرِی پر ویلے ہِک ہُوک اُٹھدِی ہِے۔ پَر او کلّھا کیا کر سڳدے، کرناں تے اَسّاں تُسّاں رَل کے ہِے، یعنی آُݨے عوام تے ملک، تے وسیبیاں دِی حق سچ نال خدمت! اَتے ابنِ کلیم نے آپݨا حق اَدا کر چھوڑے ٻس اِیں سانگے اللہ سئیں ساکُوں ابنِ کلیم جہیں سچّے، کھرے انسان ڈھیر سارے ݙے ڈیوے تاں ول اللہ کنوں ٻیا کیا منگیجے۔ ۔

مزاحمتی اَدب یا مزاحمتی شاعری ہِک مخصوص اصطلاح اِے ڄیندا ہِک مخصوص مفہوم اِے، اَجکل اکثر لوک اِیندے لُ٘غوی تےِ مُرادی معنیاں تُوں ہٹ تے اِیندا استعمال کریندے پَین۔ اِیں وقت ہفت روزہ "کلیم" ملتان دے ادبی ایڈیشن نمبر ٧١ء ءِچ شامِل سئیں ابنِ کلیلم لدی ںظم "اَسَاں قیدی تخت لہور دے نِیں!" میݙے پیشِ نظر اِے۔ ڄیندے وِچ اُنہاں آپݨے نمائندیاں تے طنز کِیتی اے۔ انہاں دی سرائیکی لوک نظم دا عنوان 'ساکُوں آپݨیاں گھانڑِیں وات ݙِتےِ' اساں قیدی تخت لہوردے نِیں " نظم دا مرکزی خیال اِے۔ شاعر نے سچ دے اَکھراں وِچ کڄھ کھریاں کھریاں ڳالھیں کِیتن اُنہاں دے ایہہ آکھݨ کہ "ڄڈاں اَپڑیں وِی نہ قدر کرِن۔ کیا سمجھے کوئی اغیار سئیں" ہِک تلخ حقیقت اے،ڄیندے بنیاد تے اُنہاں سیں عاشق بُزدار دے مشہور مصرعے "اَساں قیدی تخت لہوردے ہیں" نال اختلاف کیت۔ اِیندے ثبوت ءِچ اُنہاں ملتان آرٹس کونسل دی عمارت دے منصوبے تے چار کروڑ لڳ وَنڄݨ دا ذِکر کریندے ہوئیں آکھے ڄو اِیندا کُجھ حصّہ فن کاراں دی بہبُود تے وی خرچ تھِیوݨاں چاہیدا ہا۔ کیوں ڄو'ڄے انساناں دی قدر نہ تھئی تے باقی سُنڄیں کوٹ اِی رَہ ویسن۔ تھنبھ ٹٻر، تے جدّی سَتّی، ٹھیٹھ لَوظ نظم دا سنگھار ہِن۔ نظم رواں اِے،شاعر دے خلوصِ دِل دا اظہار اِے،تے اِیہا خوبی سئیں ابنِ کلیم دی اوں شاعری وِچ وی موجود اے ڄیڑھی"ہٻڑاس"دے ناں نال تہاڈے ہتھاں وِچ اے۔ ۔                                                     

ٻِیا ݙیکھو

• ابن کلیم۔

• نصیحت سرائیکی لوک نظم۔

• ہُݨ گھر گھر بجلی آ ڳئی اے

• اَسَاں قیدی تخت لہور دے نِیں!۔

• ساکُوں آپݨیاں گھانڑِیں وَات ݙِتےِ

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف

• ہٻڑاس (پوتھی) آن لائن پڑھݨ کِیتے۔

• گُلِ رعنا ادب سوسائٹی دے ٻئے کتاباں

• سئیں ابنِ کلیم احسن نظامی (مرحوم) دا ٻِیا پورھیا