جلال پور پیر والہ

سرائیکی وسیب ہِک ٻہوں قدیم اَتے لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

ملتان        

ملتان، صدیاں تُوں آباد شہر ہے۔ اِیہ شہر بابل، نینوا تے موہنجوداڑو وانگوں قدیم ہے۔ اِیندا شُمار دُنیا دے قدیم عِلمی مراکز وِچُوں تھیندے۔ صُوفیائے کرام نے اِتھاں تعلیم و تعلم، عرفان، فلسفہ تصوّف دِی بُنیاد رکھی۔ تہذیب ثقافت، ادب، علوم و فنونِ لطیف مُلتان دِی خاص پچھاݨ ہِن۔

شجاع آباد

ضلع ملتان دی مشہور تحصیل شجاع آباد، ملتان توں جنوب دِر، 45 کلو میٹر دے فاصلے تے ہِے، دریائے چناب اِیندے تُوں 3 میل دے فاصلے تے ویندا پَئے، اِیں شہر کُوں ملتان دے نواب شجاع خاں نے آباد کِیتا ہئی، انگریز دور وِچ شجاعباد کُوں تحصیل دا درجہ ݙے تے ضلع ملتان وِچ شامل کر ݙِتا ڳیا ہَئی۔

جلال پور پیر والہ

جلالپور پیر والہ، ضلع ملتان دِی تحصیل ہِے، اِیہ ملتان تُو ں 90 کلو میٹر دور ہِے۔ اِیں شہر کُوں حضرت سلطان احمد قتالؒ نے آباد کِیتا ہئی۔

ݙوہڑے دے وَݙے سرائیکی شاعر خوش دِل دا تعلق جلال پور پیر والہ نال ہَئی۔ اُو مخدوم جہانیاں جہاں گشت بخاری اُچوی دی اولاد وِچُوں ہَن، اَتے اُتّھوں ہجرت کر تے اتھاں ڈیرا آن لایا۔

معروف عالم، مُصنف، ادیب، مولانا نور احمد فریدی، قصبہ جلال پور پیر والہ دے راہݨ والے ہَن (پیدائش 1908ء، وفات 1994ء)، اُنہاں دِیاں تصانیف وِچُوں تاریخِ ملتان، دیوانِ فرید ترجمہ و شرح، خواجہ فرید اور شاہ لطیف کے نظریات، بلوچ قوم اور اُس کی تاریخ، قابلِ ذِکر ہِن۔

ٻِیا ݙیکھو

• سرائیکی لوک ادب

• سرائیکی وسیب
• ملتان دی لوک تہذیب
• ملتان دا لوک ادب

ٻاہرلے جوڑ  

• ڈاکٹر خالد اقبال صیب دی لائبریری دا ٻِیا مواد

• تاریخ ملتان۔ حصّہ اوّل آرکائیو تھئی ہوئی۔ (آرکائیو ڈاٹ او آر جی) اُتے۔

• ملتان دے وِچ سرائیکی ٻولی دا علمی اَدبی خزانہ جیڑھا انجو انج لائبریریاں وِچ موجود ہِے۔۔ ۔ ۔ ۔ ۔ ۔ ۔