بی بی اجالا لنگاہ دے ناں

محترمہ اُجالا لنگاہ صاحبہ شہزاد عرفان تہاڈا ناں سرائیکی تحریک ءچ آندے ئ سب توں پہلا خیال دوستاں دا اے ویندے جو شئیت تساں سئیں تاج محمد لنگاہ صاحب دے فیملی دے فرد ہو ڄیہڑے انھاں دے وفات دے بعد سرائیکی تحریک تے تنظیم کو چلاوݨ دا حق ادا پئے کریندو ۔۔۔۔اینویں ہک ٻئی محترمہ ساجدہ لنگاہ صاحبہ وی سرائیکی تحریک ءچ متحرک نظر آئین تے دوستاں دا خیال ہائی جو اے وی سئیں تاج محمد لنگاہ صاحب دے فیملی دے فرد ءی ہوسن ۔۔۔۔۔ جبکہ تہاݙا تے ساجدہ لنگاہ صاحبہ دا سوائے لنگاہ ہوݨ تے سرائیکی تحریک دے کاکرکن ہوݨ تو علاوہ ٻیا کوئی رشتہ ناطہ کوئی نئیں۔۔۔۔تساں راؤ اردو سپیکنگ تھی تے وی سرائیکی دھرتی دا اتنا درد رکھیندے وے اینکوں دھرتی نال جڑت آکھدن واقعی ہک قابل تحسین عمل ہے۔ ۔۔۔ بحرحال ایں لحاظ نال لنگاہ قبیلے دا سرائیکی تحریک ءچ بنیادی کردار بݨدے ڄیہڑا جو قابل تحسین ہے۔۔۔۔۔۔ 1987 ءچ سرائیکی شاگرد سانجھ دی تنظیم دا مرکزی اجلاس کوٹ ادو ءچ رکھا ڳیا، جیندا بنیادی ایجنڈا اے ہا جوسرائیکی تحریک بغیر تریمتیں دی شمولیت تے اوندی نویکلی لیڈرشپ تو بغیر نئیں چل سگدی ۔۔۔۔ لہذا اوں توں اڳلا کٹھ دیرہ اسماعیل خان سئیں مظہرنواز ہوراں دے گھر تھیا جیندے ءچ سرائیکی تریمت سانجھ دا باقاعدہ الیکشن سازی دی تکمیل بعد تنظیمی اعلان تھیا جیہڑی جو اڄ وی کہیں نہ کہیں شکل ءچ وسیب ءچ موجود تے متحرک ہے۔ کوٹ ادو دے حالیہ روڈ پروٹسٹس ہیں تریمت سانجھ نے کڈھن ۔۔۔۔۔۔ پاکستان سرائیکی پارٹی ءچ سئیں تاج محمد خان لنگاہ صاحب تے اساں سبھے دوست پارٹی ءچ تریمتیں دی لیڈرشب تے شمولیت دے بغیر سراائیکی تحریک تے صوبے دی جدوجہد کو بے مقصد تصور کریندے ہاسے تہوں پارٹی ءچ تریمتیں دی شمولت تے لیڈرشپ ڈاکٹر نخبہ لنگاہ سویں انتہائی باشعور ترقی پسند روشن خیال اعلیٰ تعلیم یافتہ خاتون بحثیت پارٹی صدر ہن ۔۔۔۔۔ ایں ساری تمہید بدھݨ دا مطلب سعید اختر دی حمایت کرݨ نئیں بلکہ تہاݙا سرائیکی تحریک ءچ شمولیت تے متحرک تھیوݨ ساݙے خاباں دی تعبیر ہے جو سرائیکی حقوق دراصل ایں خطے ءچ وسݨ الے مظلوم محکوم طبقات دی جنگ ہے جیندے ءچ سرائیکی وسیب دی تریمتیں تے ٻال سب تو ڈھیر جبر دا شکار ہِن ۔۔۔۔۔ ہیں سرائیکی وسیب ءچ جماعت اسلامی توں لا مسلم لیگ پیپلزپارٹی تے نواں شو پی ٹی آئی ہے جیندے دے اپݨے تریمتیں دے وݙے مضبوط تے متحرک ونگ ہن جنہاں کوں اپݨے اپݨے پارٹی لائن دے مطابق سرائیکی وسیب کوں چھوڑ تے پوری دنیا دے مضلوماں دا ݙُکھ کھادی ویندے پر وسیب ءچ روز ہزاراں دی تعداد ءچ گھر،تھاݨے ، ہسپتال، سکول، بزار، سڑکاں تے طاقتور مرداں دے ہتھوں تذلیل قتل بے حرمتی تھیندی ء جہڑی کہیں کوں نظر نئیں آندی او وی تہاݙی اساݙی ماواں بھیݨیں ہن تے سب توں ودھ جو اے سبھے تخلیق دی دیویاں تریمتیاں ہن جنہاں دی وسیب ءچ آواز کہیں پارٹی دی عہدیدار لیڈر نئیں سُݨی اوندا درد اجالا لنگاہ تے ڈاکٹرنخبہ لنگاہ سُݨنا ہا پر ایتھاں تاں اُجالا لنگاہ دا سارا درد ہک بین الاقوامی دھشت گرد خاتون جیڑھی طالبان دی تربیت یافتہ، جماعت اسلامی دی کارکن نال دھڑکدے ۔۔۔۔ انہاں مذہبی تنظیماں دے زیراثر لکھاں تریمتیں دے مدرساں چلدے پئین تے خواتین کوں اسلام دے ناں تے استعمال کیتا ویندا پئے جیڑھے ہݨ جذبہ شہادت دی خاطر اپݨے جسم تے بم ٻدھی ودن تاں کیا تساں ایندی حمایت ءچ سرائیکی پرامن، صوفی مزاج جمہوری تحریک کوں جماعت اسلامی سویں فاشسٹ تنظیم نال ونج رلیسوـــــ اتھاں امریکہ ءچ پچھلے سال کروڑ لعل عیسݨ دی ہک سرائیکی مذہبی جنونی تریمت نے سڑک تے کھڑے چوڈاں معصوم بزرگ نینگر بال تریمتیں مار تے او کجھ کیتا ڄیڑھا عافیہ صدیقی کرݨ چاہندی ہئی پر کرنہ کرسگی تے پکڑیج گئی ۔۔۔۔ بی بی تساں آذاد ہو اپݨیں سیاسی ارادے تے نظریہ دے پرچار ءچ پر اے ہرگز نہ سمجھو جو اساں جنہاں سرائیکی تحریک دی بنیاداں پاتن۔۔۔۔ ہک وی بندے دا رت ݙتے ڳدے بغیر پُر امن طریقہ نال سرائیکی سُنڄاݨ دا سفر خالص جمہوری انداز ءچ طے کیتے او بے سُدھ سُتے پئین تے بلکل غلط سݨے وے۔۔۔۔اتھاں تاج محمد خان لنگاہ تے ٻئے ہزاراں دوستاں سنگتیاں دا جوانیاں قیمتی وقت پیسہ محنت سبھو کجھ لگا پئے اڄوکے سرائیکی سیاسی سوال تے تحریک ءچ ۔۔۔۔ اے اساݙا تہاݙا سانجھا ٻال ء ۔۔۔۔۔ جیندی نظریاتی حفاظت تے ودھک تے ترقی دے ڈائرکشن سمت دا تعین تھیا پئے ۔۔۔۔ سرائیکی تحریک دی کوئی وی کاروائی بھانویں فیس بکی تشہیر ہوے تے بھانویں روڈ دا احتجاج ہو وے سبھو تے سبھاں دی اکھ ء تے سانجھ ءے۔۔۔۔۔ سرائیکی تحریک نویں نسل کوں سانبھی سے تے ایں خاطر جو نویں نسل ایں پر امن خالص سرائیکی تحریک ءچ اپݨاں حصہ پاوݨ ٹرینڈ تھیون اگوں تے امن پیار تے وسیب دے حقوق دی بحالی تے جمہوری قدراں اقتدار ءچ حصہ داری دا حق اُڳاڑن۔۔۔۔ آوݨ آلے کل دے نظریاتی ترقی پسند روشن خیال لیڈر بݨ تے وسیب کو ترقی ڈیون ۔۔۔۔۔۔۔۔ پر جیکر ڄمدی کوں پالا پئے ڳئے جو سرائیکی تحریک ہݨ طالبان تے دھشت گرد تنظیماں نال کھڑ تے عافیہ صدیقی کو رہا کرو دے نعرے مریسی تے یقین کرو ایندے متبادل ءچ تہاݙے کنیں کتھائیں زیادہ ٹرینڈ سیاسی کارکن تے لیڈشپ سرائیکی وسیب ءچ موجود ہے۔۔۔۔جیہڑا ہک اجتماعی کال تے تہاکوں حیران کرڈیسی ۔۔۔۔۔ بی بی اے تاریخ دا سفر اے اینکوں بڑی احتیاط نال سنبھل تے سنبھال تے ٹرݨ دی لوڑھ ء ۔۔۔۔۔۔ اساڈا سفر اج تئیں خالص جمہوری تے ثقافتی سُنجاݨ دا پُر امن ریہے ۔۔۔۔ کل دا مورخ اساݙی سیاسی تاریخ کوں امن تے شانتی دی تاریخ لکھسی۔۔۔۔ قومی جدوجہد کیا ہوندی ء بلوچ پختون سندھی بنگالی کنیں ونڄ تے پُچھو جنہاں لکھاں مارے تے مروائے نے تے حالی وی کُہیندے پئیں ۔۔۔۔۔۔ اساں تُہاڈے ہتھاں ءچ صاف ستھری تاریخ ݙتی ء اینکوں صاف راہنوݨ ݙیو۔۔۔۔۔ منت تے زاری چا سمجھو اساݙی۔۔۔۔ سعید اختر تے بئے دوستاں دے احتجاج کوں پرسنل گھنݨ دی بجائے مثبت انداز تے بطور ہمدرد تے گائیڈ گھنو۔۔۔۔۔ اڄ بھانویں کوئی متحرک ہے یا نئیں پر سبھے سرائیکی تحریک دی چھوٹی کنیں چھوٹی حرکت تے وی گہری نگاہ رکھیندن۔۔۔۔۔ جیکر ڄمدے لاء توں اڄ تئیں سرائیکی تحریک کوں کہیں مُلاں، پیر، گودے، گدی نشیں، کہیں جاگیردار کہیں اسٹبلشمنٹ دے افسراں تے کہیں سیاسی پارٹی دا پاند پچھوں پوچھڑی ھر جھمر دا جھومری نئیں بݨن ݙتا تے آخر تاں ایندے ایریاں ءچ نظریہ فلسفہ دا اینجھا مصالہ تاں اساݙے بزرگ لیڈرشپ نے پاتا ہوسی جو اڄ تئیں اساں تسلی نال ٻیٹھے خوش تھیندے ہیں تہاکوں سرائیکی دا کم کریندا ڈیکھ تے ۔۔۔۔۔۔ پرہک نویں ابھردی سرائیکی تریمت دا غیر سنجیدگی نال اسلام آباد آلی "لال مسجد تے لال حویلی" دا نظریہ سݨ تے ݙکھ تھئے۔۔۔۔۔

ادنیٰ سرائیکی کارکن شہزاد عرفان