ادھ ادھورے لوک (ناول)

حفیظ خان دا ناول ’’اَدھ ادھورے لوک‘‘ ۲۰۱۸ء وچ شائع تھئے۔ ایہ حفیظ خان دا پہلا ناول ہے۔

ناول دے جہتاں

ایندیاں ترائے جہتاں ہن۔

• ناول دا رومانوی پہلو

• سیاسی پہلو

• سماجی اثرات

پس منظر

ناول نگار، ہک اہم موضوع، کہاݨی دے پس منظر وچ بیان کر تے سرائیکی خطے دے بیانیے کوں اڳاں اشکار کر ݙتے۔ آپݨے موضوع ورتی ڳئی ٹیکنیک تے اسلوب دی وجہ نال وݙا ناول ہے۔ ریاست بہاولپور دا پاکستان وچ مدغم تھیوݨ، ون یونٹ ترٹݨ دے بعد بہاولپور دی حیثیت بحال نہ تھیوݨ جھیٔں اہم موضوع دے تناظر وچ ایہ ہک اہم ناول ہے۔ ناول دا ہیرو فیاض، ہیروئن تلسی، ہک ݙوجھے دی محبت وچ گرفتار تھی ویندن۔ ناول دے ٻئے کردار دھچر دھوٻی، وادھو لوݨی تیلی، مہراں، متحرک ہن۔ ناول دی فضا وچ تجسّس پیدا کریندن۔ محمد عارف ایں ناول بارے لکھدن:

’’پاکستان بݨݨ دے بعد تلسی دے خاندان دا ریاست چھوڑ تے ہندوستان ونڄݨ، فیاض دا ون یونٹ ختم کرݨ دی تحریک تے صوبہ بہاولپور مرݨ آلے ہزاراں لوکاں دی کار مرݨ تے تلسی نال ملاپ ناول کوں آپݨے اختتام والے پاسے گھن ویندے۔ ناول دے آخیر وچ تلسی تے فیاض دا ملاپ حفیظ خان دی ادبی کاریگری دی ہک سوہݨی مثال ہے۔ ناول دا اختتام آسکر وائلڈ دیاں کہاݨیاں Red Rose تے Happy prince آلی کار ناول کوں دلآویز تے دلگداز بݨا ݙیندے۔‘‘

فنی اُپڄ

ناول نگار، آپݨے ناول کوں دلچسپ بݨاوݨ کیتے ناول دے حصے یا پلاٹ کوں ترتیب ݙیندے، منظر نگاری کریندے۔ کرداراں دے ذریعے مکالمے نال ڳالھ کوں اڳاں ٹریندے تے مکالمیاں وچ زور دا بیان شامل ہوندے۔ ناول دیاں فنی خصوصیات وچ پلاٹ نگاری، کردار نگاری، منظر نگاری، مکالمہ نگاری، زمان تے مکان دی مطابقت، زبان و بیان دی اہمیت، دلچسپی، تجسّس تے مقصدیت شامل ہن۔

ٻیا ݙیکھو

• سرائیکی ناول

• نازو (ناول)

• سرائیکی ناول نگار

• سرائیکی ناول ٻولی وٹار

حوالہ جات

۔ ۔ ۔ ۔ ۔ ۔ ۔