ابراہیم علیہ السلام دے ݙو پُتر ہن۔ اسماعیل تے اسحاق۔ اسحاق دے وی ݙو پُتر ہن، ایک یعقوب تے ٻیا عیسو۔ عیسو پیغمبر کائناں ہن۔ یعقوب علیہ السلام پیغمبر ہن۔ یعقوب دے بارھاں پُتر ہن۔ جنھاں وچوں ہک دا ناں "یہوداہ" ہا۔ "یہودی" دا لفظ ہیں کنوں ہے۔ یعقوب دا لقب ہا "اسرائیل"۔ اسرائیل دا مطلب ہے اللہ دا بندہ۔ ایہے بنی اسرائیل یعنی اسرائیل دی اولاد "یہودی" سݙویجے۔

آدم کنوں ملاکی تائیں جتݨے وی انبیا گزرے ہن۔ یہودی انہاں سب کوں انبیا منین٘دے ہن۔ یہودی ملاکی کوں آخری بائبلی نبی سمجھدے ہن۔ تے ملاکی دے بعد جتݨے وی نبی آئے انہاں کوں یہودی نہیں منین٘دے۔ تے ہݨ تائیں مشیاخ (مسیح) دے انتظار وچ ہن، ان دے نزدیک مسیح ہی آخری پیغمبر ہو سی۔ ایں طرح یہودی توریت کوں اللہ دی طرفوں نازل شدہ منین٘دے ہن، لیکن انجیل تے قرآن کوں نہیں منین٘دے۔

مزید ݙیکھولکھو

ٻاہرلے جوڑلکھو

حوالےلکھو