شاہ اخزیاہ

اخزیاہ یا آخزیاہ سلطنت اسرائیل دا اٹھواں بادشاہ تے آخی اب دا پتر ہئی۔ آخی اب دے پتراں وچوں ایہو جنگ سمرون وچ بچ کے زندہ ریہا ہئی۔ سلطنت یہوداہ دے چوتھے بادشاہ یہوسفط دی تخت نشینی دے ستارھویں سال 898 قبل مسیح وچ تخت نشین تھیا۔ اس صرف ݙو سال حکومت کیتی تے 896 قبل مسیح وچ موآبیاں نے اینکوں تخت توں لہا ݙتا۔ اس دا دور حکومت اگرچہ برا ہئی لیکن اس دی سلطنت یہوداہ نال صلح ہئی۔

Ahaziah of Israel سلطنت اسرائیل دا بادشاہ اخزیاہ

دورِ حکومت

آخیاب دے ستر پتراں وچوں ، جیہڑے سمرون دی جنگ وچ مارے گئے ہن ، آخزیاہ ہی تخت نشین تھیا۔ اگرچہ اوہ پیو دی طرح بری خصلت دا مالک نہ ہئی ، تاہم اوہ بت پرستی دی طرف مائل ہئی۔ اس عقرون دے دیوتا ‘ بعل زبول ‘ دے کول اپݨا ہک قاصد روانہ کیتا اس تاکید دے نال کہ اوہ ونج کے اُس کولوں ایہ دریافت کرے کہ سمرون دے معرکے وچ جیہڑی چوٹ اِس کوں لگی ہئی اس دے مند مل تھی ونجݨ دے امکانات ہن یا نہیں۔

ڈاکٹر بلیکی لکھدے ہن کہ ‘ایلیاہ نبی کوں حکم تھیا خدا دی طرفوں کہ اوہ اس دے کول ونجن تے اونکوں ایں برملا گستاخی توں روکن۔‘ بادشاہ دے کول جݙݨ ایلیاء نبی گئے تے اونکوں منع کیتا تاں اس بجائے ڳالھ منݨ دے ایلیاء نبی کوں گرفتار کرݨا چاہا لیکن ݙوہاں دفعہ آسمان توں بھاہ نازل تھئی تے اس بادشاہ دے پنجاہ تے ول پچاس آدمیاں کوں بھسم کر ݙتا۔ آخر ایلیاء نبی خدا دے حکم نال خود ہی بادشاہ دے سامݨے آگئے تے آکھا کہ سچے خدا دی تحقیر دے جرم وچ تیکوں کݙہیں شفا نصیب نہ تھیسی۔

سن سٹھ دے ݙہاکے دے اواخر وچ ہک کتبہ دریافت تھیا ہئی جس تے درج ہئی کہ آخیاب دے مرݨ دے بعد موآب دے علاقے دے لوگاں نے اسرائیل دے خلاف بغاوت کر ݙتی ہئی۔ ایہ کتبہ ہک ستون تے درج ہے تے موآبی پتھر سݙیندا ہے۔ موآبی بادشاہ میسا نے حملہ کر کے انہاں مختلف شہراں کوں جتھاں اسرائیلی بادشاہ دے دستے موجود ہن محاصرہ کر گھدا تے سخت لڑائی دے بعد انہاں کوں مطیع کر گھدا تے موآبی شہراں کوں ول آباد کرنا شروع کر ݙتا جنھاں کوں اسرائیلیاں نے تباہ کر ݙتا ہئی۔

آخزیاہ دے مرݨ دے بعد اس دا بھائی یہورام حکمران تھیا تے اس بارہاں سال حکومت کیتی۔