یوکرین وِچ زنانیاں
یوکرین وِچ زنانیاں / تِریمتاں (اردو: یوکرین میں خواتین) (انگریزی: Women in Ukraine)۔ یوکرین دے لَکّھاں لوک اپݨی حیاتیاں دی بقاء کِیتے عالمی امداد اُتے انحصار کرین٘دے ہِن۔ ٢٠١٤ء تُوں ہُݨ تئیں پووادھی یوکرین وِچ روسی جارحیّت دے نتیجے وِچ ہزاراں گھر، تعلیمی ادارے اَتے ہسپتال تباہ تِھی چُکیے ہِن۔ پاݨی اَتے بجلی جئیں سہولتاں نا پید تِھین٘دیاں وین٘دیاں ہِن۔ بارودی سرنگاں اَتے غیر تباہ شدہ بارودی مواد تُوں وی یوکرین دے واسیاں دی حیاتیاں کُوں ٻہوں خطرے رہن٘دے ہِن۔[١] تاہم جیویں جو یوکرین پِچھوکڑ وِچ سوویت کَٹھ دا حِصّہ رِیہا ہِے، یوکرین وِچ زنانیاں اِیں معاشی بد حالی دے باوجود وی حیاتی دے ہر شعبے وِچ مرداں دے مون٘ڈھے نال مون٘ڈھا رَلا تے کھڑوتیاں ہِن۔ اُوہ تعلیم اَتے کَم کار دے معاملے وِچ مرداں دے برابر قنُونی حقوق رکھین٘دیاں ہِن۔ اِیں طرح نال اُوہ اپݨی ذاتی حیاتی دے فیصلے آپ گِھن سڳدیاں ہِن۔
سیاست اَتے وزارتِ عُظمیٰ وِچ زنانیاں
لکھوٻِنّھاں پِڑاں آلی کار یوکرین وِچ زنانیاں، سیاسی پِڑ وِچ وی ٻہوں متحرّک رِیہاں ہِن۔ ٢٠٠٥ء وِچ یولیا تائمو شینکو یوکرین دی پہلی تِریمت وزیرِ اعظم بݨی ہئی۔ تاہم اِیہ معیاد ٻہوں تھولی ہئی اَتے جلتی ای اُوہ برطرف کر ݙتّی ڳئی ہئی۔ اُوہ اِیں عہدے تے ٢٠٠٧ء وِچ وَلا چُݨی ڳئی ہئی اَتے اُوہ ٢٠١٠ء تئیں برسرِ اقتدار رہی۔ ٢٠١٩ء دے چوݨاں وِچ اُوہ عوامی مقبولیت نال وَلا برسرِ اقتدار تھئی۔
کرائے دے گود
لکھویوکرین جِین٘دی ڳِنتری یورپ دے غریب دیساں وِچ تِھین٘دی ہِے، اُوہ تیزی نال کرائے دے مائیاں دا مرکز بݨدا وین٘دا ہِے۔ دُنیا بھر دے اَمیر دیساں دے اِیہو جئیں ڄوڑے جیڑھے آپ کہِیں وجہ کنُوں ٻال نئیں ڄما سڳدے اُوہ یوکرین دی جُؤان چھوہِرِیں دی گود کُوں کرائے اُتّے حاصل کرین٘دے ہِن۔ دیس وِچ سین٘کڑاں اِیہو جئیں زنانیاں ہِن جیڑھیاں سروگیسی دی صنعت دا حِصّہ بݨ چُکّیاں ہِن۔ جہڑیلے بھارت، نیپال اَتے تھائی لینڈ وِچ سروگیسی دی صنعت اُتّے پابندیاں لائیاں ڳئیاں تاں اِیہو جئیں لوک جیڑھے عام ازدواجی یا قریبی ساک نال ٻال ناں کر سڳدے ہَن، اُنّھاں لوکاں نے یوکرین وَل مُون٘ھ کِیتا۔[٢] اِیں کَم وِچ معاشی بد حالی دی وجہ کنُوں دیس دی جؤاں سال چھوہِرِیں ٻاہرلے بندیاں دی طلب اُتّے سروگیسی دے خدمتاں فراہم کرین٘دیاں پئیاں ہِن۔