گنجی کبوتری

اے وی ٻالاں دا لوک کھیݙ ہِے پر جوان وی کھیݙ سڳدِن۔ اِیں کھیݙ وِچ ہِک کِھݙاری دے سِر تے ݙُوں ترائے پٹکے یا کپڑے ولھیٹ ݙِتّے وین٘دِن، اِین٘دی چیل کُوں پٹکے دے ہِک پان٘د نال ٻَدّھ ݙِتّا وین٘دے تے اِین٘دے ݙوجھے پان٘د کُوں ہِک ٻِیا کِھݙاری پکڑ کھڑدے، سِر تے پٹکے ولھیٹیے ہوئے کِھݙاری کُوں "گنجی کبوتری" سݙیا وین٘دے اِیں کھیݙ دا ناں وی گنجی کبوتری ہِے۔

کھیݙ شروع تِھیندے تاں باقی کھݙاری موقع پا تے گنجی کبوتری دے سِر تے مُک، کَھلّا یا دھپڑ مریندِن، گنجی کبوتری یا اونکوں پکڑ کھڑݨ والا کھݙاری اُتے حملہ کرݨ یا مارݨ والے کُوں پکڑݨ دی کوشِت کرین٘دے تے محافظ اِیں ڳالھ دا ٻہوں کیال رکھیندے جو کہیں پاسوں کوئی کِھݙاری گنجی کبوتری دا گنج نہ کُٹ گِھنّے ڄیکر اُوندا محافظ تکڑا ہووے تاں کہیں کوں سوکھا مارݨ نی ݙین٘دا بلکہ ہُشیاری تے چالاکی نال کہیں نہ کہیں کھݙاری کوں خود پکڑ گِھندے، ہُݨ پکڑے ہوئے کِھݙاری کُوں گنجی کبوتری بݨایا وین٘دے، تے اونکوں ہر صورت آگ ݙیوݨی پوندی ہِے۔ یعنی اپݨی واری بھگتاوݨی پوندی ہِے۔ اِیں طرح کوئی نہ کوئی کِھݙاری گنجی کبوتری بݨدا رہن٘دے تے ٻئے اُوندے سِر تے مُک، کَھلّا یا دَھپّڑ وغیرہ مار مار تے اُون٘دا سِر گنجا کرݨ دے جتݨ کرین٘دِن جِہڑا زیادہ مار کھاوے یا گنج کُٹواوے اُوندے اُتّے ٻہوں کِھلّاں کِیتیاں وین٘دِن اِیویں سمجھو جو اِیں کھیݙ وِچ ہمّت، جرأت، چالاکی تے ہُشیاری دا سبق مِلدے۔ ڄیکر چالاکی تے ہُشیاری نہ ہووے تاں نینگر تاں نینگر سرائیکی والی کاروڈ یا وڈیاں قوماں گنجی کبوتری بݨیاں رہن٘دِن۔

ٻیا ݙیکھو

• ٻالیں دیاں لوک کھیݙاں۔

• ہڑبھچ۔    

• لُک چھپ۔

• گُݙّی گُݙّے دی شادی۔

• شیدݨ۔

ٻاہرلے جوڑ

• جھوک پبلشرز دے کتاباں۔

• سئیں ظہور دھریجہ دا تعارف اُردو زبان وِچ۔۔ ۔ ۔۔ ۔ ۔ ۔ ۔ ۔