پُتلیاں

سرائیکی وسیب دی لوک ثقافت، لوک رِیت اَتے لوک کھیݙاں وِچُوں ہِک ٻِیا اَنوکھڑا کھیݙ پُتلیاں تماشے دا وی ہِے اِیہ اِیہو جِیہاں مقبولِ عام اتے مَن بھاوݨاں کھیݙ ہِے جیکُوں کھیݙݨ تُوں وَدھ ݙیکھݨ آلے چَس چین٘دے ہِن۔

اے تماشہ خاص قسم دے آدمی کرین٘دے تے ݙِکھین٘دے رہن٘دِن اِینکُوں ہر کوئی نِی کر سڳدا، کافی مہارت تے سمجھداری دا کھیݙ ہِے کیوں جو پُتلیاں کنوں بندیاں وانگیں کَم گِھنَّݨ ہر کہِیں دے وَس دی ڳالھ کائے نِھیں۔ اے پُتلیاں پُراݨیاں کپڑیاں / تِھڳڑیاں دِیاں وِی بݨا گِھدّیاں وین٘دیاں ہِن اَتے کِتھائیں کِتھائیں لَکّڑ / چوٻ دے بݨے ہوئے وِی ہون٘دیاں ہِن۔ پُتلیں کُوں دھاڳا ٻَدّھا وین٘دے تے پردے دے پِچُّھوں ہِک بندہ دھاڳے چِھکین٘دے اَتے پُتلیاں نَچَّݨ پَئے وین٘دیاں ہِن، ݙیکھݨ والے ٻال ݙاڈھے خوش تِھین٘دِن۔ اَتے داد ݙیوݨ کِیتے تاڑِیاں اَتے شور شرابا وِی مچین٘دے رَہن٘دے ہِن۔

اِیہ کھیݙ اِیہو جِیہاں کمال مہان٘در آلا ہون٘دے جو اِین٘دے وݙی سطح دے مقابلے وِی تِھین٘دے ہون٘دے ہَن اَتے لوک ناٹک اَتے سٹیج دے دور وِچ اِیہ ٻہوں عام ہئی جݙݨ دا ٹیلی ویژن، ٹَچ موبائل، انٹرنیٹ کمپُوٹر اَتے اِیہو جِیہاں جدید دور آیا ہِے اِیہ کھیݙ ہُݨ صرف دِیہاتاں تئیں ریہ ڳئے ڄاں جو شہراں وِچ اَڄ کَل ہر ٻال ٻال کُوں مشینی ڈیوائزاں چلاوݨیاں آن٘دیاں ہِن اَتے اُوہ بڄائے پُتلیاں نچواوݨ دے آپ اِی موبائل ہَتھ وِچ پَھد دے نَچدا ٻیٹھا رَہن٘دا ہِے۔ اڳلے دور وِچ اِیہو جِیہاں کھیݙاں کُوں نِکّے، وݙّے اَتے وݙ وݙیرے سبھے پسند کرین٘دے ہَن اَتے دِیہاں وِچ ہِک کَٹھ دی صورت وِچ کَٹّھے تِھی تے پُتلیاں تماشہ لین٘دے ہَن۔

ٻیا ݙیکھو

• ٻالیں دیاں لوک کھیݙاں۔

• ہڑبھچ۔

• لُک چھپ۔

• گُݙّی گُݙّے دی شادی۔

• شیدݨ۔                      

ٻاہرلے جوڑ

• جھوک پبلشرز دے کتاباں۔

• سئیں ظہور دھریجہ دا تعارف اُردو زبان وِچ۔  ۔ ۔ ۔۔ ۔ ۔ ۔ ۔ ۔