خورشید نواز لائقؔ

ڄاݨ سنڄاݨ

سڄݨو فقیر دا ناں خورشید نواز ءِـ تخلص لائقؔ ءِـ میݙا ڄم جمݨاں ݙو فروری ݙو ہزار ݙو 02/02/2002 کوں لنڈی سیدان ضلع راجن پور وچ تھئےـ میݙا لکھت ناں سید خورشید نواز لائقؔ بخاری ءِـ تعلیم ٻارہویں پاس آں ـ شاعری نال سانگا جوڑیا ہویا اے ایندے نال ٻہوں دلچسبی ءِ ـ ٻہوں حصے مدنی کریم لڄپال ﷺ دی تعریف اچ لکھینداں ـ الحمدللہ شاعری دیاں صنفاں وچوں مقدس صنف نعت عطا تھئی اےـ جتنا شکر ادا کراں اوں رحیم تیں کریم، مالک الملک ذات دا گھٹ ءِ ـ ایں لائق تاں ناں ہم اے سبھ میݙے تے اللہ پاک دی کرم نوازی اتے مدنی لڄپالﷺ دی عطا ھِ ـ اڄ میݙا جو وی مقام ءِ اے سب نعت دے پرسانویں ھِ ـ لوک میکوں نعت دے پرسانویں ہی ڄاݨدِن ـ اونویں تاں شاعری دیاں ݙھیر ساریاں صنفاں ھِن ـ پر میں نعتیہ ادب آلے پاسے دھیان ݙتی پیاں ـ الحمدللہ آپݨی ماء ٻولی سرائیکی اچ کلام لکھداں ـ نالے اردو وچ وی کلام لکھیم ـ تواݙی خدمت ءچ اے وی عرض کراں جو میݙے لکھیے کلام پاکستان ءچ شائع تھیوݨ آلے مختلف ماہناماں اتے رسالاں ءچ وی شامل تھیندے رہ ڳِن تیں ہُݨ وی تھیندے ھِن ـ

اے ہا میݙا چھوٹا جینھاں تعارف

جیندے رہوو