واپڈا تے ہِک نویکلی نظم

اعلان تاں اِے تھیندن جو گھر گھر بجلی آگئی اِے "میرے گاؤں میں بجلی آگئی ہے" پر حالت اِے ہِے جو بجلی دی تار تاں دیہاتاں ءِچ اَتے ہر جا پہنچ گئی ہِے پر بجلی ہِے جو گرمی سردی ءِچ اَکڑِی نُکڑِی (لُک چُھپ) کھیݙدی راہندی اے، ڄیکوں لُوڈ شیڈنگ دا ناں ڈے ݙِتا گے۔ تے اے "واپڈا" آلیاں دی مرضی ہے ڄیڑھے ویلے چاہون اندھارا گُھپ کرڈیون۔ سخت گرمی ءِچ بجلی چھک تے لوکاں کوں پسینے ءِچ ٻُڈݨ دے عذاب ءِچ غوطے ݙیندن، اینویں ءِی سردیاں ءِچ بجلی چھک تے ہِیڑ بند کر تے لوکاں کُوں سِیئے نال تھڑکا مَریندن۔ وَت ٻیا اِے ہے جو بجلی آوے یا نہ آوے پر ہر مہینے بِل دندنا دا ہویا آویندے، بجلی آلی ننگی تار کوں پکڑ گھِنݨ نال اِیڈا جھٹکا نہ لگسِی جتنا صَارف کُوں بِل دی رقم ڈیکھ تے جھٹکا لڳدے۔ وَت بِل ءِچ انکم ٹیکس، سَر چارج اتے اضافی سر چارج اینویں شامِل کرڈتے ویندن ڄینویں پُراݨے زمانے اَلَلّے تللے بد معاش غریب لوکاں توں زبردستی غنڈاہ ٹیکس کھَس گھِندے ہَن۔ اوتاں کلہّے تھِی تے لوکاں کُوں لُٹیندے ہَن، پر "واپڈا" آلیاں نے ہِکّے لِنگی لوکاں دا خون کَڈھ گھِنّݨ تے لَک ٻدھ ڳِدے۔ غریباں کوں لُٹݨ دا پروگرام بݨا گِدے، امیراں تے تاں وس نِس چلدا او بھانویں بجلی چوری کِرن اتے بھانویں کروڑاں روپیاں دے بِل نہ بھَرن، اُنہاں کِیتے چُپ اِے، بجلی بالݨ آلیاں دیاں پریشانیاں اَتے واپڈا آلیاں دیاں لُٹ دا ڄیڑھا نقشہ سیئں ابن کلیم نے آپݨی نظم

ہُݨ گھر گھر بجی آڳئی اے

صَارِف دَا دِل تڑپا ڳئی اِے

ءِچ چھِکّے اُوکُوں پڑھ تے وَڈا مزہ آندے "مخول" وِی مقصَد آلا ہِے اَتےِ لوکاں دِیاں پریشانیاں کوں آپݨی شاعری دا حِصّہ بݨاوَݨ نال ءِی کوئی شاعری عوامی شاعری اکھِویندی اے۔ اَتے اِیں سانگے ابنِ کلیم دِی سرائیکی شاعری سچّی مُچی عوامی شاعری اے اِیں "مزاحمتی" شاعری ءِچ مزاحمت دے نال نال "مزاح" مخول دی وِی چاشنی ہِے۔ اِیں نظم ءِچ چار بَند ہِن، تارھا مِصرعاں دے بعد قافتہ مِلاتے مطلعے والا شعر دُہرایا ڳے۔ اِے ہِک منفرد اندازی نظم اِے پڑھو تے چَس چاؤ! سیئں ابنِ کلیم دا اَکھاݨ اِے ہے ڄو "میݙی اِیں کوشش یعنی مزاحمتی شاعری دا مقصد کہیں شخص یا ادارہ کُوں زِچ کرنا نِیں۔ بلکہ محض اِے ہے ڄو ڄیندے بارے ءِچ لِکھیا ڳے او آپڑیں اِیں بامٔہ اعمال کُوں پڑھ تے آپݨی اصلاح چا کرے"۔ اِے جذبہ وَݙا چنگا ہِے اللہ کرے انہاں دے اِے ڳالھ پُوری تھِیوے تے اِیں شاعری دا چنگا اثر وی تھِیوے۔

ٻیا ݙیکھو

• ابنِ کلیم۔
• ہٻڑاس پوتھی۔
• ہُݨ گھر گھر بجلی آ ڳئی اے
• اَساں قیدی تخت لَہور دے نِیں۔
• وطن دا گیت۔