وطن دا گیت

سئیں ابن کلیم احسن نظامی شاعر ادیب و صحافی دی ہِک لوک نظم۔

مُکھ پَنّاں ہٻڑاس پوتھی

نظم

اَساں سارے پاکستانی ہیں

حق سچ دِی خاص نشانی ہیں

ہِکوّ ذات ہِے اللہ دِی

ہِک قُرآن تےِ ہِک نبیؐ

اَتے مرشد ساݙا علی وَلی

وَحدت دِی خاص نِشانی ہیں

اَساں سارے پاکستانی ہیں

حق سچ دِی خاص نشانی ہیں

اِیمان دِی دَولت سَاڳی ہِے

وحدت عظمت ساݙی ہِے

ساݙے قائد ساکُوں سبق ڈتےِ

اَسَاں نظم و ضبط دے بانی ہیں

اَساں سارے پاکستانی ہیں

حق سَچ دِی خاص نشانی ہیں

سندھ دا صُوبہ تاج اَسَاݙا

پنجاب دے وچ ہے راج اَساݙا

سرائیکی تے پختوں وِی ہیں

بلوچ پٹھاݨ دَمَانی ہیں

مزدور کِسان تے صنعت کارِن

طالب علم اَتےِ فن کارِن

محنت عظمت دے سب یارِن

اَساں کُل دنیا دے جانی ہیں

تبصرہ

سئیں ابنِ کلیم ھُٹن تائیں ہِک صَاحبِ طرز خطّاط تےِ خوشنویس دے طور تےِ مشہُور تے مقبول رِیہن، تِے اِیں حیثیّت وِچ ملکی تِے بینُ الاقوامی اِمتیاز حاصِل کیتے نِے ۔ "خطِ رعنا" انہاں دِی اُپج تِے اختراعی صَلاحیّت دا واضح ثبوت ہِےـ پچھلے کُجھ عرصے تُوں انہاں دِی تَوجّہ شاعری دِی طرف وِی تِھی ڳئ ہِےـ  سرائیکی زبان ءِچ ٻالاں کِیتے نظماں دِاہِک مجموعہ اَلّولولی او پہلے اِی شائع کر چُکن، ھُݨ او معَاشرتی مَسائل تےِ مبنی عام فہم انداز دے نظماں دَا اےِ مجموعہ اِی شائع کریندے پین، انہاں نظماں ءِچ انہاں دَا سماجی شعُور وِی موجُود ہِے، تے اپݨے وسیب دے مسائل نال وابستگی دَا اظہار وِی تِھین٘دے، ہِک سچّے فن کار دِی طَرحاں ابنِ کلیم وِی اپݨے وسیب نال گھنڈے ہوئے ہِن، تے وسیب دے ہِک باشعور فرد دِی حیثیّت وِچ اپݨے رَدِّعمل سے اظہار دا سلیقہ وِی رکھیندِن انہاں نظماں دِی عمومی اپیل انہاں کُوں وسیب دے لوکاں ءِچ ضرور مقبول بݨیسِی ـ انہاں نظماں دِی اصَل اہمیّت اےِ وِی ہِے ڄواےِ "خطِ رعنا" دے مُوجد داہِک وَکھرا تخلیقی اظہار ہِےـ

ٻیا ݙیکھو

• ابنِ کلیم۔
• ہٻڑاس پوتھی۔
• ہُݨ گھر گھر بجلی آ ڳئی اے
• اَساں قیدی تخت لَہور دے نِیں۔