ماہنامہ فکرِ فرید اتے ٻئے رسالے
سرائیکی لوک ادب وِچ لوک ادب دے کُجھ منڈھلے اخبار، ریاض الاخبار، ریاض نور، خبر ملتان، شعائے شمس، اخبار محقق، چشمٔہ فیض، صادق الاخبار نخلستانِ ادب، ماہانہ حکمت، میراث، لالہ صحرا، العزیز، رودستلج، رسالہ فکر، المعین، سفینہ، ڈیرہ غازی خان رپورٹر، جودھن، اصلاح، نوائے اسلام، بلال، سلیمان، عزب، پاک سرزمین، ساحل بشارت، نوائے تھل، پاک کھلاڑی، سدھ رسائن، سیر و سفر، قانون، پرواز، تبلیغ، خاتون، مخزن العلوم، فکر فرید، راستہ، دفاع، اخبار حق، خضر دیہات، جگنو، اصلاح، سخنور، دے ناں نال چھپݨ والے رسالیاں بارے جائزہ گھدا ڳئے۔ مذکورہ بالا رسائل وچ فارسی تے اردو دیاںصحافتی تحریراں دے نال نال سرائیکی مواد وی چھپدا رہ ڳئے۔ ایہہ رسائل تواتر نال نہ چھپ سگیئے۔جیندی وجہ معاشی ناہمواری حکومتی سرپرستی دا نہ ہودن جھئیں مسائل اہم ہن۔[١]
ماہنامہ فکر فرید بارے مصنف علامہ محمد اعظم سعیدی لکھدن:
"ایں رسالے دے صرف ݙوشمارے چھپئے ہن۔ میݙے سامݨے ایں ویلھے ݙوجھا شمارہ بابت عزہ رمضان المبارک 1318ء مطابق دسمبر 1900ء موجود ہے۔ ایندے ٹائٹل دے متھے تے اﷲ واحد فرد لکھیا ہویا اے تے گول دائرے وچ رسالے دا ناں ’’فکر فرید‘‘ اے: زیرادارت فقیر حکیم اﷲ بخش جکھڑ لکھیا ہویا اے۔ ایں رسالے وچ خواجہ غلام فریدؒ دے اقوال، افکار اتے ناصحانہ گفتگو وی ہے۔ جیڑھی انہاں نے محمد نواز خان مرانی دے گھر مریدیں دے سامݨے کیتی ہئی۔ ایندے علاوہ ہک مضمون اے ’’حضرت فرید سئیں تے ابن العربی سئیں دا مسلک‘‘ اے مضمون پورا سرائیکی وچ ہے۔ پہلا مضمون یعنی خواجہ صاحب دے اقوال وغیرہ اردو وچ ہے۔"[٢]
ٻیا ݙیکھو
لکھوحوالہ جات
لکھو- ↑ از: سئیں ڈاکٹر خالد اقبال۔ مقالہ پی ایچ ڈی۔
- ↑ علامہ محمد اعظم سعیدی ، ’’وادیٔ پنجند ئِ چ صحافت ‘‘ ، سرائیکی اردو رائٹرزگلڈ آف پاکستان ،کراچی ، بارِ اول ، اگست 1985ء ، ص: 82-83