مائی دھائی

مائی دھائی (اردو: مائی دہائی) (ڄَمَّݨ دی تَرِیخ: ١٩٤٣ء / ١٩٤٤ء) سندھ دے علاقہ عمر کوٹ نال تعلّق رکّھݨ آلی لوک ڳائیکہ ہِے۔ اِنّھاں نے مائی دھائی جَتّھے دے ناں نال ہِک لوک بیڈ بݨایا جین٘دے وِچ ہارمونیم اَتے ڈھول وڄاوݨ آلے، محمد فقیر اَتے جمال شب شامل ہَن۔ مائی دھائی اَتے اِنّھاں دے بینڈ نے ٢٠١٥ء وِچ امریکہ دے ایس ایکس ایس ڈبلیو میوزک (SXSW) وِچ نغمے پیش کِیتے، جِتّھاں اِنّھاں دی موسیقی کافی مقبول رئی۔ میوزک سیریز کوک سٹوڈیو پاکستان دے اَٹّھویں سیزن وِچ نمایاں فنکار دی حیثیّت نال نمائش دے بعد اُوہ قومی ٹیلی ویژن اُتّے ٻہوں مقبول تِھی ڳئی، کوک سٹوڈیو پاکستان دے سیزن ٨ کِیتے مائی دھائی نے ݙو ڳاݨے ریکارڈ کرائے، اِنّھاں ݙُوہائیں نغمیاں نے ٻہوں دُھم پاتی۔

ابتدائی حیاتی

مائی دھائی ١٩٤٣ء یا ١٩٤٤ء وِچ برطانوی ہند دی ریاست راجستھان دے ضلع باڑمیر وِچ ڄَمّی۔ اپݨی اَمّاں خندہ بائی نال مائی دھائی نے ڳاݨاں سِکّھیا جیڑھا شادی پرنیوا اَتے ٻئے سَوَبّاں اُتّے لوک گِیت ڳان٘دی ہئی۔ قیامِ پاکستان تُوں بعد اِنّھاں دا ٹَٻَّر پاکستان کوچ کر تے آ ڳیا اَتے صحرائے تھر علاقے وِچ ٹِک پِیا۔ اَمّاں دے فوت تِھیوݨ دے بعد مائی دھائی نے وی لوک گِیت ڳاوݨ دا اَغاز کِیتا۔ مائی دھائی آہ٘دی ہِے جو اِنّھاں کُوں وی اِیں ڳالھ دا ناں پَتّہ ہئی جو اُنّھاں دا ٹَٻَّر بھارت تُوں کوچ کر تے کݙݨ پاکستان آیا ہئی، ١٩٤٧ء وِچ قیامِ پاکستان دے بعد تُوں ١٩٦٥ء تئیں بھارت تُوں لوک پاکستان کوچ کر تے آن٘دے رِیہے۔ مائی دھائی دا تعلّق مسلمان ڳائیک بِیادری منگھار نال ہئی، جیڑھا سندھ دے ݙُونہائیں پاسے موجود ہِے اَتے اپݨی مخصوص روائتاں اَتے ثقافت کُوں برقرار رکّھے ہوئے ہِے۔

ہِک سندھی شاعر اتے سیاست دان سردار شاہ نے اِنّھاں دِی حیدر آباد، سندھ وِچ سُنڄاݨ کروائی۔ اپݨی انوکھڑی اَواز دی پارُوں ہولے ہولے اُوہ مُلخ بھر وِچ مقبول تِھیوݨ لڳّی۔

پِچھوکڑ دا حال اَتے کَم کار

مائی دھائی دا تعلّق منگنیار بِیادری نال ہِے۔

کوک سٹوڈیوسیزن 8

مائی دھائی نے مہانْ٘درے موسیقی پروگرام کوک سٹوڈیو دے اٹّھویں سیزن وِچ ݙو ڳاݨے ڳائے جین٘دے بعد اِنّھاں کُوں دُنیا بھر وِچ پِچھاݨ مِلّی ہِے۔

ڈسکوگرافی

• "ڈورو" (سیف سمیجو کے ساتھ)
• "موریہ(سیف سمیجو کے ساتھ)
• "سرک سرک" –مائی دہائی بینڈ
• "لا گورے " – مائی دہائی بینڈ
• "آنکھلی پھیکوکی" (کرم عباس خان دے نال) – کوک اسٹوڈیو سیزن 8
• "کدی آؤ نی " (عاطف اسلم دے نال) – کوک اسٹوڈیو سیزن 8

فلمو گرافی

• ہو من جہاں - "سرک سرک"