فرحت ہاشمی

ڈاکٹر فرحت ہاشمی (اردو: فرحت ہاشمی) (ڄَمَّݨ دی تَرِیخ: ٢٢ دسمبر ١٩٥٧ء) ہِک اسلامی سکالر ہِن۔ ڈاکٹر فرحت صاحبہ اِین٘دے تُوں پہلاں بطورِ لیکچرار اَتے اسسٹنٹ پروفیسر بین الاقوامی اسلامی جامعہ اسلام آباد وِچ خدمتاں سر انجام ݙین٘دی رہی ہِن۔ اِین٘دے تُوں علاوہ ٢٠٠٤ء وِچ اُنّھاں نے ٹورانٹو وِچ الہدیٰ انسٹی ٹیوٹ دی بݨیاد رکّھی۔

ابتدائی حیاتی

ݙاکٹر فرحت ہاشمی سرگودھا پاکستان وِچ ٢٢ دسمبر ١٩٥٧ء وِچ ڄَمّی ہَن۔ پنجاب یونیورسٹی لاہور تُوں عربی ٻولی وِچ ماسٹرز دی ڈگری حاصل کِیتی اَتے اُون٘دے بعد اپݨی ڈاکٹریٹ دی سند گلاسگو یونیورسٹی اسکاٹ لینڈ تُوں حاصل کِیتی۔ فرحت ہاشمی اسلامک انٹرنیشنل یونیورسٹی، اسلام آباد، پاکستان دے اصول الدین شعبہ وِچ بحیثیّت اسسٹنٹ پروفیسر لیکچرز ݙین٘دی رہی ہِن۔ سن ١٩٩٤ء وِچ اُنّھاں نے الہُدٰی دے ناں نال ہِک ادارہ قائم کِیتا جین٘دا مقصد اِیہ ہئی جو دُنیا بھر وِچ زنانیاں دی تعلیم و تربیّت کِیتی ون٘ڄے۔ ہُݨ وی اِنّھاں دی مصروفیّتاں بنیادی طور تے اِیں ادارے نال اِی زیادہ تر منسلک ہِن۔

علمی خدمات

ڈاکٹر صیبہ دِیاں اسلامی تعلیمات دے حوالے نال خاص طور تے مسلم زنانیاں دی تربیّت تے دینی سِکھلائی کِیتے ٻہوں وَدھ خدمتاں ہِن جیڑھے اَڄ کَل دے جدید دور دے تقاضیاں دے عین مطابق ہِن۔ اِنّھاں دے لیکچرز یو ٹیوپ دے چینلاں اُتے وی موجود ہِن اَتے ٻئے سوشل میڈیا دے ویب سائیٹاں تے وی عام ہِن۔ اَتے اِین٘دے تُوں اَن٘ڄ اِنّھاں نے اپݨی ہِک نویکلی / وکھری ویب سائیٹ وی بݨائی ہوئی ہِے۔

ٻِیا ݙیکھو

بین الاقوامی اسلامی یونیورسٹی

ٻاہرلے جوڑ

• ڈاکٹر فرحت حاشمی دی ذاتی ویب سائیٹ: www.farhathashmi.com