طاہرہ سید

طاہرہ سیّد (اردو: طاہرہ سید) (ڄَمَّݨ دی تَرِیخ: ١٩٥٨ء، لاہور) مہان٘دری پاکستانی ڳائیکہ ہِن۔ اُوہ پُراݨی روائتی موسیقی / لوک موسیقی اَتے غزلاں دی نمائندگی کرین٘دی ہِے اَتے مغربی جدید کاریاں دے خلاف ہِے۔ طاہرہ سیّد مہان٘دری لوک ڳائیکہ ملکہ پُکھراج دی دِھی ہِے، اِنّھاں دے ذٰخیرے وِچ اردو، پنجابی، ڈوگری، سرائیکی اَتے پہاڑی ٻولیاں وِچ لوک گِیت شامل ہِن۔

ابتدائی حیاتی

طاہرہ سیّد لاہور وِچ ڈوگرہ ڳائیکہ ملکہ پُکھراج اَتے شبیر حسین شاہ (ہِک پنجابی سرکاری اہلکار اَتے مصنف) دے گھر ڄَمّی ہئی۔

موسیقی دا کَم کار

طاہرہ سیّد پہلی واری ١٩٦٨ء – ١٩٦٩ء وِچ ریڈیو پاکستان اَتے اِین٘دے بعد پاکستان ٹیلی ویژن نیٹ ورک اُتے ݙِسّی۔ پاکستانی شاعر حفیظ جالندھری دے لِکّھے ہوئے "یہ عالم شوق کا دیکھا نہ جائے"، "جھانجھر پَھٻدی ناں مُٹیار بِنا" اَتے "ابھی تو میں جوان ہوں" طاہرہ سیّد دے کُجھ دُھم پاوݨ آلے گِیت ہِن۔ اپریل ١٩٨٥ء و،چ، اُوہ نیشنل جیوگرافک میگزین دے مُکّھ پَنّے اُتے چھاپی ڳئی۔

ذاتی احوال

طاہرہ سیّد نے نعیم بخاری نال شادی کِیتی ہئی، اِیہ شادی ١٥ ورھیاں (١٩٧٥ء – ١٩٩٠ء) تئیں چَلّی۔ بعد وِچ نعیم بخاری اَتے طاہرہ سیّد نے طلاق گِھن گِھدّی۔ اِنّھاں دے ݙو ٻال تھئے۔ طاہرہ سیّد پاکستان وِچ ہِک مہان٘دری شخصیّت اَتے کݙان٘ہِیں کݙان٘ہِیں آرٹ اَتے ادب دے واقعیاں وِچ عوامی سطح اُتے تقریر وی کرین٘دی ہِے۔