حفیظ جالندھری

ابو الاثر حفیظ جالندھری پاکستان نال تعلق رکھݨ والے اردو دے نامور مقبول رومانوی شاعر تے افسانہ نگار ہن جنہاں نے پاکستان دے قومی ترانے دے خالق دی حیثیت نال شہرتِ دوام پاتی۔ ملکہ پکھراج نے انہاں دی نظم "ابھی تو میں جوان ہوں" کوں ڳا کے شہرت ݙتی۔

حالاتِ زندگی

حفیظ جالندھری ہندوستان دے شہر جالندھر وچ 14 جنوری 1900ء کوں پیدا تھئے۔۔ آزادی دے وقت 1947ء وچ لاہور آ گئے۔ آپ نے تعلیمی اسناد حاصل نی کیتے، مگر اس کمی کوں انہاں نے خود پڑھ کے پورا کیتا۔ انھاں کوں نامور فارسی شاعر مولانا غلام قادر بلگرامی دی اصلاح حاصل رہی۔ آپ نے محنت تے ریاضت نال نامور شعرا دی فہرست وچ جگہ بݨا گھدی۔۔ حفیظ جالندھری پاک فوج وچ ڈائریکٹر جنرل مورال، صدر پاکستان دے چیف ایڈوائزر تے رائٹرز گلڈ دے ڈائریکٹر دے منصب تے وی فائز رہے۔

تصانیف

حفیظ جالندھری دے شعری مجموعیاں وچ نغمہ بار، تلخابہ شیریں تےسوزو ساز، افسانیاں دا مجموعہ ہفت پیکر، گیتاں دے مجموعے ہندوستان ہمارا، پھول مالی تے بچوں کی نظمیں تے اپݨے موضوع تے ہک منفرد کتاب چیونٹی نامہ خصوصاً قابل ذکر ہن۔

وفات

پاکستان دے قومی ترانہ تے شاہنامہ اسلام دے خالق حفیظ جالندھری 21 دسمبر 1982ء کوں لاہور پاکستان وچ 82 سال دی عمر وچ وفات پا گئے۔ اوہ مینار پاکستان دے سائے تلے آسودہ خاک ہن۔