سرائیکی لوک ثقافت وِچ خَجّی دی اہمیّت

سرائیکی وسیب دی لوک ثقافت وِچ خَجّی کُوں ٻہوں اہمیّت حاصل اے، خَجّی تُوں حاصل تِھیوݨ والے میوے کُوں پِنڈ آکھیا وین٘دے، اِیں پِنڈ دیاں قسماں، وَنکیاں، آپوواݨیاں اتے اِنّھاں دے سواد، ذائقے، رنگ اَتے شکلاں وی آپو واݨیاں ہون٘دِن۔ اپݨی دھرتی دی لوک ثقافت دے حوالے نال شاعری کرݨ والے شاعریں خَجّی تے پِنڈ دا ذکر وݙّی محبّت نال کِیتے۔ سرائیکی وسیب وِچ پِنڈ دیاں سین٘کڑاں قِسماں تے ونکیاں ہِن، اِنّھاں وِچ کُجھ ناں اِیں طرح ہِن:

• ساوی۔

• ݙینڈا

• سوکڑ۔

• لونڑیں

• خَسی۔

• ݙوݙی

• سونا پِنڈ

• گری پِنڈ

• چھوہانرا۔

• تپاشہ۔

• ڈوہڑا

• مکّے آلی

• مدینے آلی

• ݙوکا

• سندھی ݙوکا

• وَݨ

• اَدھ وَݨ

• خسّی ݙوکا

• مِٹّھا ݙوکا

• پِھکّا ݙوکا۔

• سَنگھ گُھٹ

• پوپ

• بصرے آلا پوپ

اتے اِیں طرح پِنڈ دے ٻئے سین٘کڑاں ناں موجود ہِن۔

خَجّی تے چڑھ تے پنڈ چُݨݨ والے کُوں چاڑھا آکھیا وین٘دے۔ چاڑھا خَجّی تے چڑھݨ تُوں پہلے کمند ٻدھین٘دے اَتے خَجّی تے سڄّا پیر رکّھݨ تُوں پہلاں آکھدے "بسم اللہ الرحمٰن الرحیم یا اللہ یا محمد یا پیر اُستاد یا لقمان حکیم حکمت دا بادشا"۔ ہمیش مادی کُوں پَھل لڳدے، نر خَجّی کُوں مادی بݨاوݨ کِیتے اُون٘کُوں مادی دا ٻور ݙِتّا وین٘دے۔ سرائیکی لوک شاعری وِچ ڄاہ ڄاہ تے خَجّی تے پِنڈ دا ذکر وݙّی محبّت نال مِلدے۔

ٻیا ݙیکھو

• سرائیکی وسیب دے لوک مذاہب۔

• ملتان دی لوک تہذیب۔

• سرائیکی وسیب دے لوک پہناوے۔

• سرائیکی وسیب دے لوک گھاٻوٹ۔

• ملتان، لوک تہذیب تے روحانیّت دا مرکز۔

ٻاہرے رابطے

• خڄّی اَتے متعلقات دی تفصیل
• جھوک پبلشرز دے کتاباں۔

• سئیں ظہور دھریجہ دا تعارف اُردو زبان وِچ۔ ۔ ۔ ۔۔ ۔ ۔ ۔ ۔ ۔