سرائیکی وسیب دے لوک پہناوے

سرائیکی وسیب دے لوک چولا یا کُرتا پین٘دِن اَتے منُجھلا ٻدھین٘دِن، سِر تے پٹکا اَتے پیریں کنیں چھیکویں جُتّی یا طِلّے آلا کُھسّہ پین٘دِن۔

سرائیکی لوکاں دا لوک ویس

طِلّے والا کُھسّہ کیا ہِے؟

عربی وِچ طِلّا سونے کُوں آکھدِن، سرائیکی وسیب کائنات دا واحد خطّہ ہِے جِتّھاں سونے دے تاریں نال بݨیا ہویا کُھسّہ یا جُتّی پاتی وین٘دی ہئی، سونے دی جُتّی تُوں سرائیکی وسیب دی عظمت تے اَمارت دا اندازہ تِھین٘دے، سرائیکی وسیب وِچ حملہ آوریں دی لُٹ مار دے بعد لوک سونے دے تاریں نال بݨیے ہوئے کُھسّے تاں نی پا سڳدے البتہ طِلّے والے کُھسّے ضرور پین٘دِن، جِنّھاں دی قیمت پنڄ سو تُوں گِھن تے پنڄ ہزار تھی سڳدی اے۔

منجھلا تے لُنگی

سرائیکی وسیب وِچ منجھلے دے نال لُنگّی وی پاتی وین٘دی اے۔ منجھ ٻدّھݨ کِیتے سرائیکی وسیب دی ہِک سوکھڑی لانچا وی ہے، جیڑھا جو ݙاڈھا سوہݨاں ہون٘دے۔ سرائیکی وسیب دے عظیم لوک ثقافت آلے خِطّے جھنگ وِچ لانچے کُوں ہُݨ وی وݙّی چاہ تے محبّت نال پاتا وین٘دے۔ مرداں دے نال نال جھنگ، شور کوٹ تے چنیوٹ دے سرائیکی علاقے وِچ تِریمتاں ہُݨ وی لُنگی تے لانچا ٻدھین٘دِن۔

گھگھرا تے سُتّھݨ

سرائیکی علاقے وِچ پہلے تِریمتاں گھگھرا پین٘دیاں ہَن، ہُݨ اے رواج ختم تھی ڳے تے تِریمتاں سُتّھݨ پین٘دِن، ایویں مرد نینگر وی منجھلا یا لُنگی چھوڑ تے شلوار پاوݨ پے ڳئن۔ البتہ روہی وِچ تِریمتاں ہُݨ وی گھگھرے پین٘دِن۔

ٻیا ݙیکھو

• سرائیکی وسیب اَڄ وی عظیم اے۔

• ملتان دی لوک تہذیب۔

• سرائیکی دا معنیٰ۔

• چولستان دے پُراݨے سرائیکی وستیاں۔

• ملتان، لوک تہذیب تے روحانیّت دا مرکز۔

ٻاہرے رابطے

• جھوک پبلشرز دے کتاباں۔
• سئیں ظہور دھریجہ دا تعارف اُردو زبان وِچ۔  ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔