سرائیکی شاعری دا ارتقاء وِچ ادوار بندی
ڈاکٹر نصر اللہ خان ناصر نے "سرائیکی شاعری دا ارتقاء" بارے تحقیقی مقالہ لکھݨ توں پہلے ٻہوں محنت اتے توجہ نال تحقیقی پندھ دیاں مشکلات توں گزرین جیندا ذکر او "دیباچے" وچ کریندن تے لکھدن:
"میں ہولے ہولے سرائیکی زبان دیاں چھیپیاں تے اݨ چھپیاں کتاباں تے شعری مواد کٹھا کرݨ شروع کیتا تے بہاول پور توں علاوہ پاکستان دے جیں حصے و چ کہیں سرائیکی کتاب دا ݙس پیا اُتھاں پُج تے اُونکوں حاصل کیتا۔ ایں طرح صوبہ سندھ وچ جتھاں لوکاں دی ٻہوں وڈی آبادی سرائیکی زبان ٻولیندی اے، اتھاں کئی مہینے جا جا تے ونڄ تے ڳول پھرول کرݨی پئی، سندھ وچ چھپیاں ساریاں کتاباں سندھ رسم الخط وچ ہن انھاں کوں پڑھݨ سمجھݨ تے سرائیکی دے موجودہ رسم الخط وچ منتقل کرݨ دا سلسلہ اپݨی جا تے ٻہوں وݙا اوکھ ہی۔ جینکوں نبھایا، صوبہ سرحد وچ ڈیرہ اسماعیل خان دے اُنھاںعلاقیاں وچ سرائیکی ادب دی تلاش کیتی۔ جتھاں ایںتوں پہلے کوئی تحقیق کرݨ کیتے کئے نہ اپڑیا ہا۔ ایہو وجہ ہے کہ میݙے کول ہݨ تئیں بے شمار کتاباں جیڑھیاں ہک صدی پہلے آگرہ، بمبئی، ساڈھوڑا، میرٹھ اتے امرتسر توں چھپیاں ہن کٹھیاں تھی ڳیاں، کئی نادر مخطوطے نصیب تھئے اور میں ایں قابل تھیم کہ ایں مقالے وچ پاکستان دے چارے صوبیاں دے ڈھیر سارے سرائیکی شاعراںدا ذکر کر سگاں"[١]
ڈاکٹر نصر اللہ خان ناصر دے مقالے "سرائیکی شاعری دا ارتقاء" وچ سرائیکی لوک ادب دے ہر دورے دے شعرا دی خصوصیات دے مطالعے نال اوں عہد دیاں جھلکیاں واضح طور سامݨے آویندین۔ایں تذکرے کوں ادوار وچ تقسیم کیتا ڳئے۔ متقدمین، متوسطین اتے متاخرین، ایں ترتیب کوں پورے تذکرے وچ ملحوظ رکھیا ڳئے اتے تذکرے وچ تنقیدی رائے متوازن انداز نال ݙتی ڳئی ہے ایںطرحاںڈاکٹر نصر اللہ خان ناصر دا تذکرہ / مقالہ، ادبی تاریخ دے ٻہوں نیڑے تھی ویندے۔ڈاکٹر نصر للہ خان ناصر ، ریڈیو پاکستان وچ ملازمت کریندے ہن۔ جیندی وجہ نال انہاں دے کول سرائیکی شعراء، سندھ دے سرائیکی شعراء دے حالات، نمونہ کلام کٹھا کرݨ سانگھے وسائل ݙوجھے تذکرہ نویساںدے مقابلے وچ زیادہ ہَن تہوں اُنہاں سَندی تحقیق و ذرائع توں استفادہ کیتے۔[٢]
ٻیا ݙیکھو
لکھوحوالہ جات
لکھو- ↑ نصر اللہ خان ناصر ،ڈاکٹر، ’’سرائیکی شاعری دا ارتقاء ‘‘، سرائیکی ادبی بورڈ (رجسٹرڈ) ملتان ، اشاعت ، 2007ء ، ص: 22-23
- ↑ از: سئیں ڈاکٹر خالد اقبال۔ مقالہ پی ایچ ڈی۔