سرائیکی ادبی شخصیات

سرائیکی ادبی شخصیات (سرائیکی لوک شاعر تے سرائیکی لوک نثر نگاراں) دے ادبی پور ھیئے بارے معلومات، حالات زندگی، انھاں دی کتب، تخلیقات بارے مضامین کوں ادبی تذکرہ نویسی وچ شامل کیتا ونڄ سڳدے ۔ ایں طرحاں ڈاکٹر سجاد حیدر پرویز دی کتاب سرائیکی ادب دی مختصر تاریخ، تذکرہ نویسی، کتابیات شماری دے تاثرانی جائزے دے نال تحقیق دے رستے ٹردی ہوئی مختصر ادبی تاریخ و نڄ شمار تھیندی ہے۔ یکجا ادبی معلومات میسر ہووݨ پاروں "سرائیکی ادب دی مختصر تاریخ" قارئین ادب تے طالب علماں کیتے استفادے سانگے ہک غنیمت ثابت تھئی۔ ایں پسندیدگی تے مقٻولیت کوں مد نظر رکھیندے ہوئے ڈاکٹر سجاد حیدر پرویز نے ایہا کتاب ’’ سرائیکی زبان و ادب کی مختصر تاریخ‘‘ دے ناں نال اردو زبان وچ، تبدیلی تے اضافے نال چھپوائی۔ تے ایندی اشاعت بارے لکھدن:

"سرائیکی ادب دی مختصر تاریخ ناں دی کتاب، ڈاکٹر سلیم اختر گورنمنٹ کالج لاہور دی ایم اے اردو کیتے کتاب "اردو ادب کی مختصر تاریخ" (ایڈیشن ۱۹۸۴ء دی طرز تے )پیش کریندا پیاں"

ایندے وچ کجھ شک نھیں جو، ڈاکٹر سجاد حیدر پرویز دی ایہ کتاب ببلو گرافی دے حوالے نال ٻہوں اہمیت دی حامل ہے۔ ڈاکٹر سجاد حیدر پرویز دی ایہ کتاب جݙاں شائع تھئی تاں اینکوں پذیرائی ملی۔ اخبارات، رسائل وچ ایندے اتے تبصرے لکھیے ڳئے جیندا ذکر ڈاکٹر سجاد حیدر پرویز نے اپݨی ٻئی تحقیقی کتاب "سرائیکی ادب ٹور تے پندھ" وچ کیتے۔ ایں کتاب دے صفحہ نمبر 99 تے حضور بخش امام دے ہک تنقیدی مضمون وچوں ’’ سرائیکی ادب دی تاریخ مختصر تاریخ‘‘ بارے کجھ اقتباسات پیش ہن۔ (واضح راہوے جو حضور بخش امام دا ایہہ مضمون روزنامہ امروز، لاہور ، اشاعت 13 فروری 1987ء شائع تھیا ہئی)

ٻیا ݙیکھو

• سرائیکی لوک ادب دے شخصیّات

• سرائیکی ادب دی مختصر تاریخ

• سرائیکی ادبی تاریخ

• سرائیکی ادبی تذکرے

• جانباز: جیندا ناں ہے

ٻاہرلے جوڑ

• سئیں ڈاکٹر خالد اقبال دی لائبریری ݙیکھو

• سئیں ڈاکٹر خالد اقبال دا تعارف انگریزی وِچ

• ڈاکٹر خالد اقبال صیب دی لائبریری دا ٻِیا مواد۔ ۔ ۔ ۔