ججہ عباسیاں

سرائیکی وسیب دا اِیہ خِطّہ لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

ضلع رحیم یار خان

جنوبی پنجاب دا ضلع رحیم یار خان، پنج ہزار سال پُراݨی تاریخ رکھدے۔ اِیندا پُراݨاں ناں ’’نوشہرہ‘‘ ہَئی۔ نواب صادق خان پنجم والی ریاست بہاول پُور نے اِیں شہر دا ناں اَپݨے وَݙے پُتر رحیم یار خان دے ناں نال رکھیا۔

ججہ عباسیاں (قصبہ)

جُغرافیہ

ججہ عباسیان، تحصیل خان پُور دا قصبہ، خان پُور توں 15 کلو میٹر دے فاصلے تے ہِے۔

لوک ادب

ججہ عباسیان، تحصیل خان پُور دا قصبہ، خان پُور توں 15 کلو میٹر دے فاصلے تے ہِے۔ اِیہ قصبہ رائے ججہ نے 300 ہجری وِچ بݨوایا ہَئی۔ اِتھُوں دیاں پِنݙوں (کھجور) پورے مُلک وِچ مشہور ہِن جِیندے وِچُوں ڈیندا، شاہی، لالو، بھانوݨ اَتے واڑے دے ناں قابلِ ذِکر ہِن۔ اِتھاں حضرت احمد بخش دا مزار ہِے جِہڑے حضرت خواجہ غلام فریدؒ دے مقرب خلیفہ ہَن۔ سرائیکی دے نامور شاعر محمد نواز خاں خوشتر ججہ عباسیاں دے راہوݨ والے ہَن، جِنہاں سرائیکی وِچ قصہ یوسف زلیخاں لکھیا۔ اَمان اللہ ارشد (اَرشد دے ڈوہڑے، عشق دِیاں چُنگاں، اَرشد دے قطعے، ہنڄو دے ݙِیوے، سک دا ساوݨ، اَکھیں خواب جگارے شائع تِھی چُکیئن)۔

چاچڑاں شریف (قصبہ)

جُغرافیہ

ضلع رحیم یار خان دِی تحصیل خانپور دا مشہور تے پراݨا قصبہ، خان پُور توں 36 کلو میٹر مغرب والے پاسے دریائے سِندھ دے کھٻّے کنݙے آباد ہِے۔

لوک ادب

ضلع رحیم یار خان دِی تحصیل خانپور دا مشہور تے پراݨا قصبہ، خان پُور توں 36 کلو میٹر مغرب والے پاسے دریائے سِندھ دے کھٻّے کنݙے آباد ہِے۔ چاچڑ قبیلے اِیکُوں آباد کِیتا۔ پنجاب دے چار دریا ستلج، بیاس، راوی، جہلم پنجند دے مقام اُتے آپت وِچ آ مِل ویندِن۔ وَت دریائے چناب، چاچڑاں شریف تے کوٹ مِٹھن دے وِچکار، سمکہ دے مقام اُتے دریائے سندھ نال آ تے مِل ویندِن۔

چاچڑاں شریف اَتے کوٹ مِٹھن دے درمیان سٹیمر سروس دا اِنتظام موجود ہِے۔  چاچڑاں شریف، حضرت خواجہ غلام فریدؒ اَتے اُنہاں دے خاندان دے بزرگاں دا مَسکن تے علم و اَدب دا مرکز، اِیہ شہر خواجہ نور محمد مہاروی دے نامور خلیفہ قاضی محمد عاقل اَتے انہاں دِی آل اولاد دا مسکن ہِے۔

ٻِیا ݙیکھو

• سرائیکی وسیب

• ضلع رحیم یار خان
• خان پُور

حوالہ جات

۔ ۔ ۔ ۔ ۔ ۔ ۔