ضلع رحیم یار خان

سرائیکی وسیب دا اِیہ خِطّہ لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

رحیم یار خان

جُغرافیہ

جنوبی پنجاب دا ضلع رحیم یار خان، پنج ہزار سال پُراݨی تاریخ رکھدے۔ اِیندا پُراݨاں ناں ’’نوشہرہ‘‘ ہَئی۔ نواب صادق خان پنجم والی ریاست بہاول پُور نے اِیں شہر دا ناں اَپݨے وَݙے پُتر رحیم یار خان دے ناں نال رکھیا۔

لوک ادب

اِیہ شہر سرائیکی وسیب دا اہم علمی و اَدبی مرکز ہِے۔ سعید احمد سعید (تاریخ و تعارف رحیم یار خان)، محقق، نقاد، اِنشائیہ نگار، ڈاکٹر سلیم ملک شُعبہ اُردوپنجاب یونیورسٹی لاہور، ڈاکٹر قاضی عبدالرحمن عابدؔ (صدر شعبہ اُردو بہاء الدین زکریا یونیورسٹی ملتان)، فرحت نواز، امداد اللہ امداد، ایم ڈی کانگا، سجاد بلوچ، ظہور احمد دھریجہ (خواجہ غلام فرید ؒ کی شاعری کا  اُردو روپ، سرائیکی وسیب، علامہ اِقبال تے سرائیکی وسیب تے ٻئیاں ٻہوں ساریاں کتاباں دے مصنف)، ڈاکٹر مخدوم محمد حُسین (سیف الملوک، نسخہ مخدومی) ۔

گڑھی اختیار خان (قصبہ)

جُغرافیہ

ضلع رحیم یار خان دا ہِک اہم قصبہ ہِے، تے خان پُور توں 10 کلو میٹر دے فاصلے تے ہِے۔

لوک ادب

ضلع رحیم یار خان دا ہِک اہم قصبہ ہِے، تے خان پُور توں 10 کلو میٹر دے فاصلے تے ہِے۔ اِیہ قصبہ نامور صوفی بزرگ تے سرائیکی شاعر خواجہ محمد یار فریدیؒ دِی وجہ توں مشہور ہِے۔ دیوانِ محمدی الموسوم انوار فریدی اُنہاں دا شعری مجموعہ ہِے۔

مئو مبارک (قصبہ)

جُغرافیہ

مئو مبارک، رحیم یار خان  توں چھی میل دے فاصلے تے ہِے۔ اِتھاں ہِک پراݨے قدیم قلعے دے آثار پاتے ویندِن۔

لوک ادب

مئو مبارک، رحیم یار خان  توں چھی میل دے فاصلے تے ہِے۔ اِتھاں ہِک پراݨے قدیم قلعے دے آثار پاتے ویندِن۔ اِیہ قلعہ مئو مبارک دے ناں نال موسوم ہِے۔ سرائیکی زبان دے قادرُ الکلام شاعر جنہاں سیف الملوک لِکھی ہَئی، مولوی لطف علی دا مزار اِی اِتھائیں ہِے۔

حوالہ جات

۔ ۔ ۔ ۔ ۔ ۔ ۔