خان پُور

سرائیکی وسیب دا اِیہ خِطّہ لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

ضلع رحیم یار خان

جنوبی پنجاب دا ضلع رحیم یار خان، پنج ہزار سال پُراݨی تاریخ رکھدے۔ اِیندا پُراݨاں ناں ’’نوشہرہ‘‘ ہَئی۔ نواب صادق خان پنجم والی ریاست بہاول پُور نے اِیں شہر دا ناں اَپݨے وَݙے پُتر رحیم یار خان دے ناں نال رکھیا۔

خان پُور (تحصیل)

جُغرافیہ

خان پور، ضلع رحیم یار خان دا شہر، کراچی، پشاور ، ریلوے لائن تے اہم ریلوے جنکشن، رحیم یار خان توں 45 کلو میٹر دے فاصلے تے ہِے۔

لوک ادب

خان پور، ضلع رحیم یار خان دا شہر، کراچی، پشاور ، ریلوے لائن تے اہم ریلوے جنکشن، رحیم یار خان توں 45 کلو میٹر دے فاصلے تے ہِے۔ اِیکُوں خان پور کٹورہ وِی آکھیا ویندے۔ کِیُوں جو ہِک زمانے اِتھوں دے بݨے ہوئے کٹورے (برتن) جگ مشہور ہَن۔ ٻئی وجہ اِیہہ ݙَسائی ویندی ہِے جو اِیہ شہر کٹورے وانڳ جِھکا ہِے۔ اِت پاروں اِیکُوں خان پور کٹورہ آہدِن۔ اِسلام گڑھ دا تاریخی قِلعہ، چولستان دے وِچ ہِے اَتے اُو تحصیل خان پور دا حِصہ ہِے۔ خانپور وِچ وستی مولویاں دا مدرسہ تاریخی اہمیت رکھیندے۔ جِیکُوں تحریک ریشمی رومال دے ہِک مرکز دِی حیثیت حاصل رَہی ہِے۔ اِیندے بانی مولوی غلام محمد ہَن۔ اِتھ دِین پُور شریف دا قیام 1876ء اِچ عمل وِچ آیا۔ اِتھائوں دے مدرسے تُوں مولانا عبیداللہ سندھی اِبتدائی تعلیم حاصل کِیتی۔ اُنہاں دا مزار وِی اِتھ مرجع خلائق ہِے۔ مولانا عبدالہادی تے مولانا عبداللہ درخواستی ڄئیں بزرگانِ دین وِی اِتھاہِیں آسودئہ خاک ہِن۔ نامور شاعر قیس فریدی، راز جتوئی، مجاہد جتوئی (تجزیہ کلیاتِ فریدؒ، کلام فرید میں اِلحاق کے مسائل، فرزند فریدؒ)، حیدر قریشی (سرائیکی غزل گو شاعر)۔

ٻِیا ݙیکھو

• سرائیکی وسیب

• ضلع رحیم یار خان

حوالہ جات

۔ ۔ ۔ ۔ ۔ ۔ ۔