جاپانی، ہیرو غلیفی اَتے کُجھ ٻئے خط

ݙو ترے سو سال قبل مسیح نبطیاں دے حکومت نجد توں ساحلی علاقیاں احمر عقبہ اَتے بادیۂ شام تئیں ہئی اَتے زبان عربی ہئی ایندے بعد مسند سبائی وت صنعوی خط دا ناں آندے ڄیڑھے علاقہ حوران (شام) اِچ جبلِ صفا اِچ لکھیا گیا۔ اِیندے بعد ثمودی خط دا ذکرتاں قرآن پاک اِچ وی آیا ہِے۔ وَت لحیانی، حیثی اَتے چینی خط قابلِ ذکر ہِن۔ ایشیاء دے خطاں اِچ چینی ہِک دلچسپ اَتے منفرد طرزِ تحریر ہَا، کیوں ڄو اِیندی کتابت اُتُّوں کولوں تَلّے آلے پاسے تھیندی ہِے۔ چینیاں دا اعتقاد ہِے ڄو فیضانِ خداوندی دا نزول اسمان تُوں زمین آلے پاسے تھیندا ہِے۔

جاپانی خط لکھو

 
قدیم جاپانی خط

اے خط درختاں دِیاں شاخاں دی طرحاں پیچیدہ رِیہا، اِیں کِیتے عرب آلے اِیکوں آپݨی اصطلاح اِچ ’’خطِ شجر‘‘ آدھے ہَن، اِیندیاں ݙو قسماں ہِن ’’کٹکݨا‘‘ اتے ’’ہیرا گانا‘‘ اے ݙوہیں جاپانی اَتے پراݨے مغلیٔ چینی خط دیاں شاخاں ہِن۔ سُریانی، عبرانی اَتے عربی خط تاں سَڄے تُوں کھٻے پاسے لکھے ویندن اِنہاں دا نظریہ اے ہا جو انسان توں طبعی حرکت دا آغاز ہمیشاں سڄے ہتھ توں تے سڄے قدم توں تھیندا ہِے۔ اِیندے برعکس ہندی، قبطی، رومی اَتے قدیم فارسی تحریراں دی کتابت کھٻے تُوں سڄے پاسے تھیندی ہئی۔ کِیوں ڄو حکمائے یونان دی تحقیق دے مطابق خون دا دَورانیہ دل تُوں شروع تھیندا ہِے اَتے دل کھٻے پاسے ہوندا ہِے۔ اَتے عقل دا مرکز ہِے۔

خطِ ہیرو غلیفی لکھو

 
خطِ ہیرو غلیفی

پراݨے تمثالی خط ہیرو غلیفی نے ڄݙاں پہلی کروَٹ گِدی تاں تحریر اِچ تصویری انداز دے حرف ݙھالے ڳئے۔ ایندے حروفِ تہجی صرف پنڄی حرفاں دے ہَن‘ اُوں ویلے اے خط شاہی دفتراں اِچ جاری تھیا ایکوں ہیرا طیقی دا ناں ݙتا ڳیا۔ بعد اِچ کڄھ ارتقاء دے بعد ایندا ناں دیموطیقی پے ڳیا۔[١]

قبل مسیح اِچ لفظ کینویں لکھے ویندے ہَن لکھو

کئی قسماں دے خط یعنی تحریر دیاں طرزاں پراݨے زمانیاں توں رائج ہَن۔ اِنہاں حرفاں دی پہنچاݨ اَتے لکھݨ دے انداز وکھرے ہَن۔ اساں ’’خط دی کہاݨی تصویراں دی زبانی‘‘ ݙسݨ دی خاطر اِے نقشہ بݨا تے ݙساوݨ دا اَہُر کیتے ڄو اَڄ دے حَرف کل‘ پرسوں اَتے اُوں توں پراݨے زمانے 1600قبل مسیح اِچ ایہے لفظ اَتے حروف کینویں لکھے ویندے ہَن۔[٢]

ٻِیا ݙیکھو لکھو

حوالہ جات لکھو

  1. Black on White The Story of Books Millin. London
  2. از: "ابن کلیم" "ملتان دے لوک فنون وِچ روائتی خطاطی دا ارتقاء" (١٩٧٠ء تُوں پہلاں)، باہتمام: دبستان فروغ خطاطی (رجسٹرڈ)۔ (غیر مطبوعہ سرائیکی مقالہ)۔

ٻاہرلے جوڑ لکھو