تاریخ اسلام
610ء وچ قرآن دی پہلی صدا دی بازگشت ہک صدی توں گھٹ عرصے وچ بحر اوقیانوس توں وسط ایشیا تک سݨیجݨ لگی ہئی تے پیغمبرِ اسلامؐ دے وصال (632ء) دے عین سو سال بعد ہی اسلام 732ء وچ فرانس دے شہر تور (tours) دی حدود تک پہنچ چکا ہئی۔
اسلام ہک مکمل ضابطہ حیات اے. اسلام دے مختلف فرقیاں تے مسالک دے سیاسی نظریات البتہ مختلف ہن تے انہاں سیاسی نظریات دی روحانی حیثیت ہر فرقے دے نزدیک مسلم تے اہم اے. اسلام دے وݙے چھوٹے فرقیاں دے روحانی سیاسی نظریات جنہاں تے انہاں نے اپݨے عقائد دی بنیاد تے حکومتاں قائم کیتیاں یا کرݨ دی جدوجہد کیتی یا اپݨے زیر اثر علاقیاں وچ اپݨے عقیدے دے مطابق اسلامی نظام قائم کیتے یا نظام تجویز کیتے انہاں سیاسی نظریات دی تفصیل تاریخ اسلام دا حصہ اے.ایں حصے وچ اساں مذہبی تے روحانی تقدس دے حامل سیاسی ادوار دی تاریخ دا جائزہ گھنسوں. جیہڑے کہ مندرجہ ذیل ہن:
- محمد رسول اللہ صلی اللہ علیہ وسلم
- تاریخِ انبیاء علیہم السلام
- تاریخ خلافت
- تاریخ ائمہ اہل بیت
- تاریخ ائمہ زیدیہ
- تاریخ خوارج
تاریخ اسلام وچ اسلام دے مرکزی فرقے اہل سنت سمیت تمام مرکزی دھارے نال منسلک اسلامی مذہبی حکومتاں یا سیاسی تحریکاں دی تاریخ بیان کیتی ڳئی اے جیندے وچ خوارج کوں وی شامل کیتا ڳیا اے. اسلام دا دعویٰ کیونکہ اے ہے کہ آدمؑ توں عیسیٰؑ تک تمام انبیاء تے انہاں دے متعلقین نے اسلام دا ہی پرچار کیتا اس واسطے انبیاءؑ دی تاریخ وی تاریخ اسلام وچ شامل کیتی ڳئی اے.