اِقراء سرائیکی لوک نظم

سئیں ابن کلیم احسن نظامی شاعر ادیب و صحافی دی سرائیکی وسیب دِین اَتے اُون٘دے معاملیاں کُوں بیان کرین٘دی ہوئی ہِک سرائیکی لوک نظم: ۔

سرائیکی لوک نظم "اِقراء"

ڄیڑھے دین اسلام دے لوکاں کُوں

رب آکھ ݙتےِ

پہلی وَحِی دِی وِچ

پڑھو عِلم کتاباں سبھّے

اِیں حکم تے عَمل کرن والے

ٹُر گئے ہِن یار چہِیندے

اِے شوق اِے

پڑھن پَڑھانوݨ دَا اَڄ

کہیں عِلم و فن تخلیق اُتےِ

سَو ݙُو سَو چھپے کتاب ڄیکر

اِیں وَطن دے چَوݙاں کروڑ وِچُوں

مُل گھِندِن چَوݙاں بَندے

تخلیق آلیاں دے جذبے سَئیں

وَت تھِیندن ݙا ݙھے مَندے

اَتے قلم کا لِکھاریاں دے

وَت دِل تے چَلدِن رَندِے

تبصرہ

اِے ہِک حقیقت ہِے ڄو کوئی قلمکار ڄیڑھے ویلے ہتھ ءچ قلم چَیندے تاں او آپݨے مضمون کُوں دِل دے خون دِی مس نال لِکھیندے'اے وصف ڄِنہاں لِکھاریاں وِچ ہِے اُنہاں وِچُّوں ہِک ناں سئیں حافظ محمد اقبال خان لنگاہ المعروف ابن کلیم احسن نظامی ہوراں دَا ہِے،میں انہاں کُوں وِیہہ پَنجی سالاں تُوں ڄاݨدا ہاں، آپ مُلخ دے نامور خطاط ہووݨ دے نال نال ٻہُوں وَݙے اَدیب تے شاعر وِی ہِن، میں حیراں تھِینداں ڄو ایں شخص تے خدا وند کریم دی کِتنی مہربانی ہِے ڄو ہِکّے وقت ءِچ مختلف اصناف توں نواز ݙِتّے۔ سئیں ابنِ کلیم آزاد نظم،غزل کُوں نَویکلے رنگ ءِچ لِکھدِن' آپ دی ہِک لوک نظم دا عنوان ہے "اِقراء" ڄیندے معنے ہِن "پڑھ" اَتے طنزیہ انداذ ءِچ اُنہاں ذِکر کیتے ڄو اڄکل پڑھن پڑھانوݨ کِتنا رہ گئے؟ اڄکل عام طور تے اِے ڈِٹّھا ویندے ڄو لوک پڑھدے گھٹ تے ٻولیندے زیادہ ہِن'حالانکہ اللہ پاک دا حکم اِے ہِے ڄو "پڑھو" پَر اَساں اِے وِی ݙیدھے ہیں ڄو ٻہُوں سارے پڑھے لِکھے لوک آُݨے علم دے مرتبے تے پہنچ کے وی ݙوجھیاں کُوں فائدہ نِیں پُچیندے عِلم تے پڑھائی اوہا چنگی ہِے ڄیڑھی آوݨ آلیاں نَویاں نَسلاں کُوں فائدہ ݙیوے۔ عالم عالماں نال ڳالھیں کرن کُوں تاں چنگا ڄاݨدے ہِن پر او اِے نِیں چاہندے ڄو عام لوکاں کُوں وی عِلم دا شعور پہنچ سڳے پَر اِے اَہُر ابنِ کلیم نے کر چھوڑے،پڑھو وِی تے اگُو ہنہ تے پڑھاوَݨ دا وسیلہ وی جوڑو اِیندے نال لوکاں دا شعور ودھسِی اَتے اِیندے وِچ اللہ تعا لیٰ راضی تھِیسی۔ اِیں کتاب ہٻڑاس" دے وچ ڄتنیاں نظماں لِکھیاں ڳین انہاں دی اہمیّت اینویں بݨسِی ڄو عام لوک وِی ایکُوں پڑھ تے عِلم دا سوجھلا حاصل کریسِن،بے عِلمی دے اندھارے تُوں بچ ویسن'۔ میں آپݨے وطن دے پڑھے لِکھے لوکاں کُوں وی پڑھواوِن تاں ڄو عِلم اَتے فن کُوں تخلیق کرن آلے لوکاں دِی ہمّت ٻئی وَدھ پووے،انہاں دِیاں مِحنتاں کُوں رنگ لڳ ونڄے،نِیں تاں ابنِ کلیم نے آکھیا ٹھیک اِے ڄو تخلیق آلیاں دی قدر اَتے سُنڄاݨ نہ ہووَݨ دِی وَجہ نال اُنہاں دے دِل تے رَندے چلدِن تے دل کپیندا ہِے۔ ۔

ٻِیا ݙیکھو

• ابن کلیم۔

• نَوِیں وَسّوں دِی تریہہ لوک نظم۔

• نصیحت سرائیکی لوک نظم

• تَھل مارُو اپَینڈا سَارا لوک نظم۔

• ہِک ہِک تھِی تے ملک بچاؤ لوک نظم

ٻاہرلے جوڑ

• سئیں ابنِ کلیم احسن نظامی دا اُردو وکیپیڈیا تے تعارف

• ہٻڑاس (پوتھی) آن لائن پڑھݨ کِیتے۔

• گُلِ رعنا ادب سوسائٹی دے ٻئے کتاباں

• سئیں ابنِ کلیم احسن نظامی (مرحوم) دا ٻِیا پورھیا