اسرائیل وِچ زنانیاں

اسرائیل وِچ زنانیاں (اردو: اسرائیل میں خواتین) (انگریزی: Women in Israel) توں مراد اُوہ زنانیاں / تِریمتیں ہِن جیڑھیاں مملکت اسرائیل وِچ رہن٘دیاں ہِن یا اُتُّھوں توں ہِن، جین٘دی تاسیس ١٩٤٨ء وِچ تھئی ہئی۔ اسرائیل دا کوئی دستور کائے نِھیں، جاں جو اسرائیلی قرارداد اَزادی دے مطابق: "مملکتِ اسرائیل (۔۔۔) اِیں ڳالھ کوں یقینی بݨیسی جو اِین٘دے توں انج مذہب، نسل اَتے جنس سبھے رہوݨ آلیاں کوں مکمل برابر سماجی اَتے سیاسی حقوق حاصل ہوسِن"۔

اسرائیکی قنُون وِچ زنانیاں

اسرائیلی قنُونِ ملازمت نوکری یا اُجرت وِچ جنس اُتے مبنی امتیازکوں ہٹکین٘دا ہِے اَتے طبقاتی مقدمیاں دی گنجائش فراہم کرین٘دا ہِے، تاہم اِین٘دے باوجود زنانیاں اَتے مرداں وِچ اُجرت دی عدم برابری دیاں شکائیتاں آندیاں ہِن۔

٢٠١٢ء وِچ اسرائیل ٥٩ ترقی یافتہ مُلخاں وچوں بݨیا جِتّھاں کَم کرݨ آلی جاء تے زنانیاں دی خاطر خواہ سنڳت ہِے۔ اِیں سروے وِچ اسرائیل ٢٤ ویں جاء تے پاتا ڳیا جِتّھاں زنانیاں چنڳّے عہدیاں اُتّے فائز ہَن۔

زنانیاں دے حقوق

اسرائیلی فضائیہ دے پرواز کورس توں فارغ تِھیوݨ آلی زنانیاں

اسرائیل دے بݨݨ توں وی پہلاں تِریمتیں زنانیاں دے حقوق کِیتے پورھیا اِیں زمین اُتے کرین٘دیاں پئیاں ہَن جِتّھاں اسرائیل بݨیا، مثلاً نیو ییشوو وِچ۔ ییشوو اِنّھاں یہودی رہوݨ آلیاں دا ناں ہِے جیڑھے فلسطین وِچ اسرائیل دے بݨݨ تُوں پہلاں موجود ہَن۔ نیو ییشوو اِنّھاں کُوں آکھیا وین٘دا ہئی جیڑھے قدیم شہر دی کَن٘دھ یروشلم دے اُوں پار گھر بݨے ہَن۔ ١٩١٩ء وِچ پہلی زنانیاں دی قومی پارٹی (دی یونین آف ہیبرو ویمین فار ایکیویل رائٹس اِن ایریٹز اسرائیل) بݨی ہئی اَتے روزا ویل اسٹراس جیڑھی اُوں سال ای مُلخ چھور تے اِتّھاں آئی ہَن، اِین٘دی اڳواݨ بݨی جیڑھی مرݨ تئیں اِیں عہدے اُتے بݨی رہی۔۔

ٻِیا ݙیکھو

• یہودیت وِچ زنانیاں
• یہودی زنانیت