ہارون آباد

بہاولنگر ضلعے اچ واقع ایں شہر دا بہاولنگر شہر توں فاصلہ 50 کلومیٹر ہے۔ ہارون آباد دی آبادی 60،000 ہے تے زیادہ تر لوگ کاشتکار ہن۔ ایندے وچ ݙو ڈگری کالج، بوائز تے گرلز دے علاوہ چھی اعلیٰ سکول موجود ہن۔ سرکاری سکولاں دے علاوہ نجی سکول وی موجود ہن۔ ہارون آباد دا پراݨا ناں بدرو والہ ہے۔ شہر دے اصل واسی تاں بہت کم ہن، زیادہ تر لوگ پاکستان دے مختلف علاقیاں توں آکے آباد تھئے ہن۔ 1947ء وچ وی لوگ اتھاں آکے کافی تعداد وچ آباد تھئے ہن جنہاں دا تعلق مشرقی پنجاب نال ہئی۔ ایں شہر دی مقامی زبان ڄٹکی اے تے اکثریتی زبان پنجابی اے۔