بہاولنگر سرائیکی وسیب دا ہک ضلع ہے۔ ایہ شہر 1904ء وچ ریاست بھاول پور دے نواب محمد بھاول خان پنجم دے ناں تے وسایا ڳیا -ایں کنے پہلے اتھاں قریب ترین وستی روجھانوالی ( اُبھا ) موجود ہائی اتے ایں علاقے کوں وستی روجھانوالی ( اُبھا ) اہدے ہن۔ ملتان کنوں بہاولنگر 230 کلومیٹر ہے.

بہاولنگر

اتھوں دا سرائیکی لہجہ ابھیچڑی اے. کھڑی ٻولی دی ایں سرائیکی کوں وسیب دے ݙوجھے اضلاع وچ جھنگوچی لہجہ آکھا ویندا اے. سابق ریاست دے ضلع بہاولنگر دے مشرقی، شمالی تے مغربی حصے تے ضلع بہاولپور دی تحصیل حاصل پور، تحصیل خیرپور ٹامیوالی دا علاقہ قائم پور مکمل طور تے ابھیچڑی لہجہ ٻلیندن. اے لہجہ سرائیکی دے معیاری، ملتانی لہجے توں مختلف اے.جھنگ، ساہیوال، پاکپتݨ، اوکاڑہ،تاندلیانوالا، کمالیہ، پیرمحل،پنڈی بھٹیاں، چنیوٹ، سرگودھا، منڈی بہاؤالدین، فاضلکا تے سری گنگا نگر دے علاقیاں وچ ݙبھاری سرائیکی الیندے ہن۔ ایں کوں مشرقی سرائیکی وی آہدے ہن۔ ایں لہجے وچ "ب" کوں "ٻ" ، "ج" کوں "ڄ" ، "د" کوں "ڊ" تے "گ" کوں ہمشہ "ڳ" ٻولیندے ہِن۔ سلطان ٻاہو، علی حیدر ملتانی، ریاض،عابد تمیمی تے وارث شاہ ݙبھاری سرائیکی لہجے دے شاعر ہن۔

تعلیمی ادارےلکھو

  • پوسٹ گریجویٹ کالج بہاولنگر
  • پوسٹ گریجویٹ کالج برائے خواتین
  • سب کیمپس اسلامیہ یونیورسٹی بہاولنگر