ہابیل
حضرت آدم دے فرمانبردار پتر دا ناں ہابیل اے جیہڑا بے گناہ اپݨے بھرا دے ہتھوں عورت توں وجہ توں قتل کیتا ڳیا جیندے تے فرشتیاں نے وی ویݨ کیتے.
ہابیل دے قتل دی وجہ قابیل دا نبوت کیتے منتخب نہ تھیوݨ ہئی۔ بعض روایات وچ اے لکھا ہویا اے کہ اے قتل عورت دی وجہ نال تھیا۔ قرانی مفکر محمد اکبر نے اپݨے ہک مضمون ہابیل و قابیل وچ ایہوجیہی روایات کوں رد کیتا ہے کہ قتل کہیں عورت دی وجہ نال ہئی۔ کتاب مقدس تے قرآن کریم توں صاف پتہ چلدا ہے کہ قتل دی وجہ نبوت دا نہ ملݨا یا قربانی دا قبول نہ تھیوݨ ہئی۔
قرآن وچ ذکر
لکھوقرآن کریم وچ ہابیل تے قابیل دا قصہ سورۃ المائدہ وچ آیا ہے۔
وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِن أَحَدِهِمَا وَلَمْ يُتَقَبَّلْ مِنَ الآخَرِ قَالَ لَأَقْتُلَنَّكَ قَالَ إِنَّمَا يَتَقَبَّلُ اللّهُ مِنَ الْمُتَّقِينَ (آیت نمبر٢٧)
تے ذرا انہاں کوں آدمؑ دے ݙو پتراں دا قصہ وی ہوبہو سݨا ݙیو جݙݨ اُنہاں ݙوہاں نے قربانی کیتی تاں انہاں وچوں ہک دی قربانی قبول کیتی گئی تے ݙوجھے دی نہ کیتی گئی اُس آکھا "میں تیکوں مار سٹیساں " اس جواب ݙتا "اللہ تاں متقیاں ہی دے نذراں قبول کریندا ہے.
لَئِن بَسَطتَ إِلَيَّ يَدَكَ لِتَقْتُلَنِي مَا أَنَاْ بِبَاسِطٍ يَدِيَ إِلَيْكَ لَأَقْتُلَكَ إِنِّي أَخَافُ اللّهَ رَبَّ الْعَالَمِينَ (آیت ٢٨)
اگر توں میکوں قتل کرݨ کیتے ہتھ چیسیں تاں میں تیکوں قتل کرݨ کیتے ہتھ نہ چیساں، میں اللہ رب العالمین توں ݙردا ہاں.
إِنِّي أُرِيدُ أَن تَبُوءَ بِإِثْمِي وَإِثْمِكَ فَتَكُونَ مِنْ أَصْحَابِ النَّارِ وَذَلِكَ جَزَاء الظَّالِمِينَ (آیت ٢٩)
میں چاہندا ہاں کہ میݙا تے اپݨا گناہ توں ہی سمیٹ گھن تے دوزخی بݨ کے رہویں، ظالماں دے ظلم دا ایہو ٹھیک بدلہ ہے. "
فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ (آیت ٣٠)
آخر کار اوندے نفس نے اپݨے بھرا دا قتل اوندے کیتے آسان کر ݙتا تے او اونکوں مار کے اُنہاں لوگاں وچ شامل تھی ڳیا جیہڑے نقصان چاوݨ والے ہن.
فَبَعَثَ اللّهُ غُرَابًا يَبْحَثُ فِي الأَرْضِ لِيُرِيَهُ كَيْفَ يُوَارِي سَوْءةَ أَخِيهِ قَالَ يَا وَيْلَتَا أَعَجَزْتُ أَنْ أَكُونَ مِثْلَ هَـذَا الْغُرَابِ فَأُوَارِيَ سَوْءةَ أَخِي فَأَصْبَحَ مِنَ النَّادِمِينَ (آیت ٣١)
ول اللہ نے ہک کاں بھیڄا جیہڑا زمین کھٹݨ لڳا تاکہ اُونکوں ݙسے کہ اپݨے بھرا دی لاش کیویں لکاوے، اے ݙیکھ کے او ٻولا افسوس میݙے تے! میں ایں کاں جیہا وی نہ تھی سڳا کہ اپݨے بھرا دی لاش لکاوݨ دی تدبیر کڈھ گھندا، اوندے بعد او اپݨے کیتے تے ٻہوں پچھتا یا.